O alcalde Abel Caballero asinou hoxe o decreto polo que nomea a Santiago Domínguez Olveira como tenente de alcalde do Concello de Vigo e outro no que nomea aos membros da Xunta de Goberno Local e delegacións do alcalde neste órgano.
A actuación do saxofonista noruego Jan Garbarek inaugurará a terceira edición do festival Imaxina Sons este vindeiro xoves 21, a partir das 22.00 horas, no Centro Cultural Caixanova. O festival prolongarase ata o vindeiro domingo 1 de xullo, día na que a actuación da Imaxina Jazz Orquestra, dirixida por Nani García, clausurará esta edición.
O alcalde, Abel Caballero, asistiu este mércores no peirao de trasatlánticos á despedida do Buque Oceanográfico Hespérides, que deste xeito inicia a campaña ártica española co gallo do Ano Polar Internacional. O acto contou coa presenza do ministro de Defensa, José Antonio Alonso, e da ministra de Educación, Mercedes Cabrera.
O obradoiro de luthería antiga da Escola Muncipal de Artes e Oficios (EMAO) ofrece ata o xoves unha xornadas de portas abertas para todos aqueles que queiran coñecer o seu funcionamento. Ademais, o mesmo xoves, ás 17.30 horas, terá lugar no Auditorio da Escola unha audición a cargo de alumnos do obradoiro.