Lucía Molares, concelleira delegada para o Proxecto Conta con Elas, e Iván Area Carracedo, vicerreitor de Relacións Institucionais da Universidade de Vigo, entregarán hoxe venres ás 18.30 horas os diplomas do módulo "Economía e xénero", que forma parte do Máster en Xénero, Educación, políticas de igualdade e liderado organizado pola Universidade de Vigo. <br />
Setenta alumnos da Escola Municipal de Danza, con idades comprendidas entre os 8 e os 63 anos, participan hoxe venres a partir das 20.30 horas no Auditorio Municipal no IX Festival "Na punta do pé", acompañados polo grupo de gaitas Airiños do Parque de Castrelos.
Os que se acheguen ao MARCO esta fin de semana terán a oportunidade de visitar un espazo de exhibición, consulta e lectura dun conxunto de edicións impresas reunidas na exposición "PAPERBACK. Edicións baratas". Libros, carteis, adhesivos e outras pezas gráficas darán conta nesta mostra da renovación e vitalidade destes materiais nos últimos anos.
O museo Verbum-Casa das Palabras quere consolidarse como referente e lugar de aprendizaxe e lecer nas mañás dos domingos para os máis pequenos. Para iso, e despois das exitosas sesións de contacontos destes dous meses pasados, ofrece neste mes de xaneiro un ciclo de animación á lectura para nenos e nenas de 3 a 12 anos.
Desde as 10.00 horas de hoxe venres, os membros da Fundación Laxeiro estiveron examinan un total de 141 pezas atribuídas a Laxeiro. Coleccionistas privados de toda Galicia achegaron estas obras á Fundación para que as catalogue.
<br />
<br />
<br /> <br /> <br />