O Consello da Xerencia Municipal de Urbanismo debateu hoxe xoves os criterios que deben rexer a xestión do Patrimonio Municipal do Solo (PMS), chegando ao acordo de favorecer a maior oferta posible de vivenda cos maiores niveis de protección.
A terceira edición do Salón do Mar e da Náutica Vigo Náutica Internacional abriu hoxe xoves as súas portas no Instituto Feiral de Vigo (Ifevi). Durante catro días, máis de 100 expositores ocuparán os 20.000 metros cadrados da feira para ofreceren produtos relacionados coa náutica recreativa.
A Casa das Artes ensina dende o xoves un programa especial de actuacións na primeira semana do Festival Alternativo de Teatro e Danza –ALT’06- baixo o título Escénicas , cunha exposición de fotografía e proxeccións audiovisuais.
A alcaldesa Corina Porro asistiu hoxe ao acto de presentación da Escola de Vela en Marina Lagoa patrocinada por Caixa Galicia e destinada a acercar o deporte e o mundo da mar as novas xeracións.
Ponse en coñecemento do público en xeral que por mor das obras de canalización, estará pechada ao tráfico a estrada de Miraflores, entre Quirós e Moiania, con acceso exclusivo para garaxes,dende o luns 06 ás 08.00 horas até o domingo 12 de marzo de 2006 ás 20.00 horas.