A Concellería de Benestar Social colabora coa Cruz Vermella ofrecendo dúas unidades móbiles para atender as persoas sen teito durante a vaga de frío destes días. As unidades móbiles repartirán mantas, bebidas quentes e comida. Ademais, os que o desexen recibirán aloxamento.
As asociacións de veciños de Sampaio, San Andrés de Comesaña, Matamá e San Xoan Poulo aspiran a unha subvención do programa Telecentros.es para a instalación dunha conexión a internet de banda ancha e equipos informáticos nos seus locais.
Tres exposicións de fotografías e unha conferencias abren o programa de actividades organizadas pola concellería da Muller con motivo do "Día Internacional da Muller".
A Oficina Municipal de Voluntariado ofrece formación a persoas e entidades para a realización de actividades solidarias. En marzo haberá un curso de iniciación ao voluntariado, en abril terá lugar o curso de acompañamento en servizos sociais e agora estase a desenvolver un curso de xestores de voluntariado.
A alcaldesa, Corina Porro, desprazouse, na mañá do martes, ata a alameda de Bouzas para decidir o emprazamento da pérgola de Jenaro de la Fuente, que se vai trasladar a este barrio de Vigo. Corina Porro, acompañada de técnicos municipais e representantes da Asociación de Veciños de Bouzas, percorreu a alameda de Bouzas e decidiu o emprazamento. A fachada da pérgola orientarase cara a avenida de Orillamar.
O Festival de Teatro Alternativo presenta o mércores, día 2 , á compañía Amaranto de Barcelona que representará a obra " "Cunca de sopa chine e un garfo", no auditorio municipal, ás 21 horas. O Festival, organizado pola concellería de Cultura, ofrece representacións ata o 12 de marzo.
Con motivo da iniciación o día 21 de febreiro de 2005 das obras do Proxecto de adaptación e humanización das rúas dos arredores da Praza de Compostela foi restrinxido o aparcadoiro na zona.