A alcaldesa, Corina Porro, anunciou hoxe que o Goberno encargou a Zona Franca a elaboración dun estudio sobre a recuperación do borde litoral de Vigo no que se defina a relación entre o Porto e a cidade. Corina Porro deu conta desta decisión tras un encontro que mantivo co presidente da Autoridade Portuaria, Julio Pedrosa, e sinalou que este estudio podería estar rematado no prazo de dous meses.
O concelleiro de Animación Sociocultural, Ignacio López Chaves presentou o plan de animación do Nadal que contén actuacións teatrais, concertos de bandas populares, un concurso de rondallas, a cabalgata de Reis e diversos concursos.
O Carteiro real comeza o sábado a partir das once da mañá a súa visita a distintos puntos da cidade para recoller en mán as cartas que os cativos queiran remitir as súas maxestades.
A Xerencia de Urbanismo celebra o luns, 22 de decembro, ás 11:30 horas, unha sesión extraordinaria na que se tratará o calendario e a metodoloxía a seguir para a aprobación do PXOM e se abordará a posta en marcha dunha comisión de seguimento do plan.
A Comisión de Goberno reunese o luns, día 22, a partir das nove da mañá, con 24 asuntos na orde do día no que destaca proxecto de convenio de colaboración coa Cruz Vermella Española para o desenvolvemento de actividades coa Unidade de Drogodepencias CEDRO.