Benestar Social destina 400.000 euros ás axudas municipais para material escolar e comedor
A concelleira de Benestar Social, María Méndez, anunciou este luns a aprobación na Xunta de Goberno Local dun investimento de 400.000 euros nas axudas municipais para material escolar, libros e comedor. Segundo explicou a concelleira, estas subvencións teñen o obxectivo de "mellorar a situación de benestar das familias con maior necesidade económica". Do total do orzamento, 370.000 euros destinaranse ás axudas a comedor, mentres que os 30.000 euros restantes irán ás axudas de libros e material escolar.
"Posto que os libros son gratuítos en boa parte do ciclos educativos, só damos axudas neste concepto na segunda etapa de Educación Infantil, e o resto dos cartos que se viñan destinando a libros o derivamos aos comedores escolares", salientou María Méndez. Indicou ademais que as axudas poderán solicitarse entre o 23 de abril e o 8 de maio nas Unidades Básicas de Acción Social do Casco Vello, Coia, Lavadores, Teis, Travesía e na propia Casa do Concello en horario de 9 a 13.30 horas. Para libros concederanse 75 euros por alumno ou alumna, mentres que para comedor a subvención será de 41 euros mensuais por alumno ou alumna como máximo, tanto se están matriculados nos colexios públicos como concertados, pero sempre e cando a renda per cápita mensual da unidade familiar non sexa superior aos 325 euros.
María Méndez, na súa intervención, deu conta das axudas concedidas no curso 2007-2008, no que 594 alumnos e alumnas solicitaron as axudas para libros e material escolar e das que se concederon 389. Respecto as axudas para comedor, un total de 1.506 alumnos e alumnas solicitaron a subvención, das que foron concedidas 1.100. Segundo explicou a edil nacionalista, as solicitudes denegadas non se outorgaron por superar os ingresos estipulados nas bases ou por incumprir algún dos requisitos do programa.
"Dende a Concellería de Benestar Social esperamos que estas axudas servan para acadar unha situación de benestar nas familias con maiores carencias económicas", subliñou.
Descargar todas as imaxes
María Méndez, na súa intervención, deu conta das axudas concedidas no curso 2007-2008, no que 594 alumnos e alumnas solicitaron as axudas para libros e material escolar e das que se concederon 389. Respecto as axudas para comedor, un total de 1.506 alumnos e alumnas solicitaron a subvención, das que foron concedidas 1.100. Segundo explicou a edil nacionalista, as solicitudes denegadas non se outorgaron por superar os ingresos estipulados nas bases ou por incumprir algún dos requisitos do programa.
"Dende a Concellería de Benestar Social esperamos que estas axudas servan para acadar unha situación de benestar nas familias con maiores carencias económicas", subliñou.