Operación Triunfo chega a Vigo cunha gala televisiva
As concellerías de Xuventude e Festas e Animación Sociocultural presentan a gala de Operación Triunfo que se celebrará o domingo, 10 de febreiro, a partir das 19:00 horas no pavillón das Travesas. O frontal do pavillón de deportes pecharase ó tráfico polo que se recomenda acudir ó concerto en transporte público.
A Avenida de Castrelos, desde a praza de América ata Cesáreo González e Manolo Martínez, cortarase ó tráfico rodado para evitar riscos que puidera ocasionar a entrada masiva a este espectáculo. Recoméndase, polo tanto, que as persoas que queiran acudir ó evento vaian en transporte público ou utilicen a zona de Balaídos e os parkings próximos ó pavillón para estacionamento dos vehículos particulares.
Álex, Natalia, Naim e Gisela son concursantes que estarán na cidade para ofrecer a gala de Operación Triunfo, un concurso televisivo no que 16 rapaces seleccionados, dun total de 3.900 persoas que se presentaron ó casting, se preparan durante tres meses nun centro de alto rendemento artístico. O espacio está dotado de salas de ensaio, estudios de gravación, platós de televisión, camerinos, vestiarios, perruquería e clases para a formación, entre outros.
Cada semana o xurado elixe os catro alumnos da Academia que non progresan o suficiente para se converter en artistas. Durante a gala semanal un deles é salvado polos profesores, outro polos compañeiros e dos dous que quedan é o público quen toma a decisión de quen debe abandonar a Academia. Os tres finalistas serán lanzados profesionalmente e un deles representará a España no vindeiro Festival de Eurovisión que se celebrará en Estonia.
As concellerías de Xuventude e Festas e Animación Sociocultural piden a máxima colaboración para que tódolos asistentes á gala poidan gozar sen problemas do espectáculo. As entradas anticipadas para acudir a esta gala véndense en El Corte Inglés por 12 euros e en taquilla por 14 euros.
MÁIS INFORMACIÓN
Descargar todas as imaxes
A Avenida de Castrelos, desde a praza de América ata Cesáreo González e Manolo Martínez, cortarase ó tráfico rodado para evitar riscos que puidera ocasionar a entrada masiva a este espectáculo. Recoméndase, polo tanto, que as persoas que queiran acudir ó evento vaian en transporte público ou utilicen a zona de Balaídos e os parkings próximos ó pavillón para estacionamento dos vehículos particulares.
Álex, Natalia, Naim e Gisela son concursantes que estarán na cidade para ofrecer a gala de Operación Triunfo, un concurso televisivo no que 16 rapaces seleccionados, dun total de 3.900 persoas que se presentaron ó casting, se preparan durante tres meses nun centro de alto rendemento artístico. O espacio está dotado de salas de ensaio, estudios de gravación, platós de televisión, camerinos, vestiarios, perruquería e clases para a formación, entre outros.
Cada semana o xurado elixe os catro alumnos da Academia que non progresan o suficiente para se converter en artistas. Durante a gala semanal un deles é salvado polos profesores, outro polos compañeiros e dos dous que quedan é o público quen toma a decisión de quen debe abandonar a Academia. Os tres finalistas serán lanzados profesionalmente e un deles representará a España no vindeiro Festival de Eurovisión que se celebrará en Estonia.
As concellerías de Xuventude e Festas e Animación Sociocultural piden a máxima colaboración para que tódolos asistentes á gala poidan gozar sen problemas do espectáculo. As entradas anticipadas para acudir a esta gala véndense en El Corte Inglés por 12 euros e en taquilla por 14 euros.
MÁIS INFORMACIÓN