Escoitar

Xornadas sobre a lingua galega ante os novos retos socio-económicos e comunicacionais

O Servizo de Normalización Lingüística do Concello e a Universidade de Vigo organizan o próximo día 22 unha xornada de sensibilización e información sobre a situación actual, os retos futuros e as dificultades presentes na actualidade respecto da vitalidade da lingua galega en dous sectores clave: o mundo socio-económico e o ámbito da comunicación.

martes, 13 dec 2005
A xornada estará organizada arredor dun relatorio marco e de dúas mesas de traballo, terán lugar no auditorio do Verbum, coa seguinte estructura:

11,30h. Acto de inauguración da xornada.

12,00h. Relatorio marco: Prestixo social, desenvolvemento económico local e linguas minoritarias. Reflexións a partir do caso galego.
Presenta: M.ª DEL CARMEN CABEZA PEREIRO. Profesora da Universidade de Vigo e directora do Centro de Linguas.
Relator: FERNANDO RAMALLO. Profesor de sociolingüística da Universidade de Vigo.

17,00h. Mesa de traballo: Os retos de facer comunicación en lingua galega.
Relatores:
DOLORES BEN. Presidenta de AGAPI.
MANUEL BRAGADO. Director de Edicións Xerais de Galicia.
VICTOR FREIXANES. Director de Editorial Galaxia.
ANXO QUINTELA. Director do xornal electrónico Vieiros.

19,00h. Mesa de traballo: A galeguización do ámbito socio-económico e o papel da cidadanía.
Relatores:
VALENTINA FORMOSO. Autora da investigación A lingua no ámbito empresarial.
MARÍA XOSÉ JAMARDO. Secretaria xeral da Mesa pola Normalización Lingüística.
XAIME NOGUEIRA. Libreiro. Responsable da libraría Andel Virtual.
BRUNO FERNÁNDEZ. Xefe da zona noroeste de EROSKI.

20,30h. Acto de clausura.