Corina Porro recibe a 21 membros da Asociación San Francisco, gañadores de medallas nos Xogos Special Olympics
A asociación San Francisco acadou un total de cinco medallas na última edición destes xogos deportivos para diminuídos intelectuais celebrada en Sevilla.
A alcaldesa Corina Porro recibiu hoxe a un grupo de 21 rapaces da Asociación San Francisco, integrantes da Delegación Galega que participou nos Xogos Nacionais Special Olympics que se celebraron no Complexo Deportivo San Pablo de Sevilla do 8 ao 12 de outubro de 2004.
Esta nova edición dos xogos deportivos para diminuídos psíquicos contou con representantes de quince países incluído España. Trátase duns xogos de ámbito europeo, anque tamén participou Marrocos, e cóntase coa presencia de deportistas de países como Alemania, Austria, Bélxica, Grecia, Dinamarca, Italia ou Francia.
Galicia foi a carta rexión española en número de participantes con 90, só detrás de Madrid (100), Castela e León (109) e a anfitriona Andalucía, con 20 centros e 383 participantes. Os centros e asociacións galegas con representación foron Aspader, Aspas e Aspadex pola Coruña; Fundación Burela e Aspanais por Lugo; As Burgas de Ourense; e Aspavi e San Francisco en representación de Pontevedra.
Os 21 rapaces da Asociación San Francisco lograron un total de cinco medallas: ouro en fútbol sala, prata en baloncesto, probas adaptadas de fútbol sala e probas adaptadas de baloncesto, e bronce en probas adaptadas de fútbol sala, á que concurriron dous equipos.
O vicepresidente da asociación San Francisco, Eladio Fernández, propúxolle á alcaldesa a posibilidade de organizar os Xogos Special Olympics en Vigo para o ano 2008, dadas as posibilidades de infraestructuras que ofrece a cidade. Ao tempo, Eladio Fernández pediulle mediación á alcaldesa para lograr un maior apoio ao colectivo dos diminuídos intelectuais por parte da Xunta.
Descargar todas as imaxes
Esta nova edición dos xogos deportivos para diminuídos psíquicos contou con representantes de quince países incluído España. Trátase duns xogos de ámbito europeo, anque tamén participou Marrocos, e cóntase coa presencia de deportistas de países como Alemania, Austria, Bélxica, Grecia, Dinamarca, Italia ou Francia.
Galicia foi a carta rexión española en número de participantes con 90, só detrás de Madrid (100), Castela e León (109) e a anfitriona Andalucía, con 20 centros e 383 participantes. Os centros e asociacións galegas con representación foron Aspader, Aspas e Aspadex pola Coruña; Fundación Burela e Aspanais por Lugo; As Burgas de Ourense; e Aspavi e San Francisco en representación de Pontevedra.
Os 21 rapaces da Asociación San Francisco lograron un total de cinco medallas: ouro en fútbol sala, prata en baloncesto, probas adaptadas de fútbol sala e probas adaptadas de baloncesto, e bronce en probas adaptadas de fútbol sala, á que concurriron dous equipos.
O vicepresidente da asociación San Francisco, Eladio Fernández, propúxolle á alcaldesa a posibilidade de organizar os Xogos Special Olympics en Vigo para o ano 2008, dadas as posibilidades de infraestructuras que ofrece a cidade. Ao tempo, Eladio Fernández pediulle mediación á alcaldesa para lograr un maior apoio ao colectivo dos diminuídos intelectuais por parte da Xunta.