Escoitar

A quinta edición de "Are More" pon dende mañá as entradas e abonos á venta

O festival musical "Are More" ten dende mañá as entradas e abonos á venda, que poderán adquirirse, ben vía telefónica, ou a través da páxina web de Caixa Galicia.

xoves, 30 set 2004
A quinta edición do festival musical "Are More", un dos eventos máis sobresaíntes do circuito e xa patrimonio cultural da cidade, pon a partir de mañán as entradas dos distintos concertos á venta.

A uns prezos de 10 euros para a maioría dos concertos, 20 euros no caso do concerto inaugural "Le Concert D´astree" e o de clausura a cargo de Ute Lemper, e os prezos simbólicos de 1, 2 ou 3 euros das entradas para a Ópera para nenos, a relación de prezos e concertos é a seguinte:

Le Concert D´astree (16/10/04) 20 euros (fóra de abono).
A Balada do Cárcere de Reading (29/10/04) 10 euros (incluído no abono).
Jean Yves Thibaudet (10/11/04) 10 euros (incluído).
María Bayo (12/11/04) 10 euros (incluído).
Mathias Göerne (15/11/04) 10 euros (incluído).
Nathalie Stutzmann (16/11/04) 10 euros (incluído).
David Russell (26/11/04) 10 euros (incluído).
Ópera para nenos, 2 funcións escolares (3/12/04) 1 euro (fóra de abono).
Ópera para nenos, 1 función familiar (4/12/04) 3 euros adulto, 2 euros infantil (fóra de abono).
Spanish Brass Luur Metalls (9/12/04) 10 euros (incluído).
Ute Lemper (15/12/04) 20 euros (incluído).

A organización dispón de distintos abonos para 8, 5 ou 3 concertos que implican descontos do 30%, 25% e 20% respectivamente, quedando excluídos o concerto inaugural e a ópera para nenos. Asimesmo haberá descontos do 30% para menores de 25 anos, maiores de 65, familias numerosas e persoas discapacitadas ou desempregadas.

Os estudiantes de música tamén obtendrán ventaxas cun prezo único de 3 euros por concerto, desconto non compatible cos abonos. En calquera dos casos, as persoas susceptibles de descontos deberán acreditar a súa condición.

A compra de entradas poderá realizarse por vía telefónica a través de Tele-taquilla de Caixa Galicia, no teléfono 902-434443 de luns a vernes en horario de 8 a 22 horas e os sábados de 9 a 14 horas.

Haberá tamén a posibilidade da venda electrónica no sitio web www.caixagalicia.es durante as 24 horas do día. Os abonos non se poderán adquirir a través desta canle. As entradas adquiridas mediante este método ou telefónicamente poderán recollerse físicamente na oficina de Caixa Galicia que máis lle convenga ao cliente, tras a presentación da tarxeta de pagamento e o DNI.

Finalmente, as entradas sobrantes, se as houbese, poñeranse á venda nos despachos de billetes do cine Fraga-Caixa Galicia, na véspera e no día de cada concerto.