O goberno local investirá 400.000 euros na mellora dos accesos de 4 centros educativos
O alcalde deu conta esta mañá do avance de varias actuacións en diferentes centros educativos da cidade. Concretamente abordaranse traballos en catro colexios cun orzamento de 400.000 euros.
O Concello segue traballando na mellora das instalacións educativas coa aprobación inmediata de catro proxectos de actuación que se elevan aos 400.000 euros. O primeiro deles é a rehabilitación do peche da parcela do CEIP Mestres Goldar, de 124.000 euros; a mellora dos accesos ao Vila Laura conta cun orzamento de 107.000 euros; a reparación do muro de contención do colexio Mosteiro Bembrive suporá un investimento de 159.000 euros; mentres que a reparación do muro do CEIP Emilia Pardo Bazán comezará de xeito inmediato.