Abel Caballero: "Os datos de ocupación hoteleira amosan que Vigo é o destino preferido por toda España no Nadal"
O alcalde informou que a ocupación hoteleira do sábado foi do 84%, "un dato excepcional". Caballero celebrou os bos datos que se están a rexistrar este Nadal, aos que amais das persoas que elixen Vigo para pernoctar, tamén chegan milleiros de autobuses con visitantes e o sector comercial e hostaleiro rexistran afluencias notables nos establecementos da cidade. "Vigo é o destino preferido por toda España no Nadal", afirmou.
