O goberno aproba a xestión do Servicio Municipal de Atención Domiciliaria da Infancia
O goberno local aprobou este venres a xestión do Servizo Municipal de Atención Domiciliaria da Infancia e o convenio coa Asociación Rede de Mulleres Veciñais contra os Malos Tratos para prestar atención especializada ás mulleres vítimas de violencia machista.
O alcalde explicou hoxe que entre as persoas atendidas dentro do Servizo Municipal de Atención Domiciliaria da Infancia atópanse as mulleres que son vítimas de violencia de machista que carecen de rede de apoio para poder atender aos seus fillos mentres traballan ou formanse.
O Servicio municipal, ao que o Concello destina 411.000 euros, encargarase do coidado dos menores de 12 anos para propiciar ás mulleres en situación de vulnerabilidade para que poidan inserirse na vida laboral, social ou de formación.
Asistencia especializada as vítimas de violencia machista
Caballero indicou que entre os acordos tamén se atopa o convenio coa Asociación Rede de Mulleres Veciñais contra vos Malos Tratos co que se fomenta o emprego, “pero, sobre todo o apoio ás vítimas de violencias machistas”.
O alcalde indicou que o Concello destina 50.000 euros para contratar a catro profesionais para axudar ás mulleres para superar a súa situación de discriminación e a facilitar inserción laboral. O apoio será prestado por unha psicóloga, unha avogada, unha técnica administrativa e a unha diplomada en traballo social que son contratadas ao amparo do convenio.