A Policía Local reforza a súa formación en reanimación cardiopulmonar e rescates acuáticos
Coincidindo coa proximidade da temporada estival, 140 efectivos da Policía Local recibirán formación en reanimación cardiopulmonar e uso correcto do chaleco de rescate acuático. Serán catorce os axentes que realizarán este curso cada xornada, desde hoxe ata o 28 de abril.
Desde hoxe ata o 28 de abril, axentes da Policía Local recibirán formación en técnicas de reanimación cardiopulmonar e uso correcto do chaleco de rescate acuático. Os primeiros efectivos en asistir a este curso serán os destinados á unidade de Costa e Praia e, a continuación, recibirán a formación o resto do cadro de persoal dado que os vehículos policiais están dotados de desfibriladores semiautomáticos.