A Reconquista chega aos centros de ensino da cidade da man do Concello
A iniciativa didáctica desenvolverase ao longo do mes de marzo, principalmente con alumnos de 5º e 6º de educación Primaria. O alcalde sinalou que “serán arredor de 1000 alumnos de 20 centros da cidade”.
O rexedor informou este martes do comezo do programa "Reconquista Vigo 2023", promovido polo Concello de Vigo co obxectivo de divulgar entre os escolares da cidade a historia da Reconquista da cidade. Como enfatizou Caballero, a iniciativa “tenta transmitir ao alumnado a historia e cultura da nosa cidade”.
Ata o próximo 27 de marzo, e comezando cos estudantes do CEIP Igrexa Valadares, o alumnado coñecerá dun xeito didáctico e ameno a recuperación da cidade no 1809, fronte as tropas napoleónicas.
En cada xornada, os escolares comezarán en Praza do Rei para emprender unha visita guiada polo Casco Vello e o Castelo de San Sebastián, para acompañar os alumnos recibirán un mapa didáctico co que poderán imaxinar unha viaxe ao pasado. Na última fase, pararán na Casa Galega dá Cultura, onde verán unha reprodución audiovisual sobre a Reconquista e poderán preguntar todas as súas dúbidas.