O Concello financiará xunto á Deputación a humanización de nove rúas do rural de Vigo
O importe do proxecto de convenio que asinarán ambas as institucións é de máis de 673.000 euros. O Concello financiará con fondos propios outras 17 rúas, as que súmanse o inicio da humanización na avenida de Fragoso, as rúas Carme e Cesáreo Vázquez, a avenida Atlántida, rúa Nigrán e Padre Seixas e O Porriño cun importe próximo ao 1.500.000 euros.
Abel Caballero anunciou que a Xunta de Goberno aprobou o proxecto de convenio coa Deputación de Pontevedra polo que ambas as institucións asinarán o financiamento para a humanización e asfaltado de 9 viarios nas parroquias do rural de Vigo.
O importe é de máis de 673.000 euros, cos que haberá actuacións na rúa Penís (Cabral), rúa Párroco Don Serafín (Teis), rúa Cantabria (Teis), rúa Fonte Escura (Lavadores), camiño Sabaxáns (Lavadores), camiño Sampaio de Abaixo (Sampaio), rúa Parrocha (Bembrive), camiño Besada (Candeán), rúa Vista do Mar (San Xoan).
Ademais do convenio, o goberno local financiará con recursos propios este tipo de actuacións en camiño Pousa (Castrelos), camiño Couto (Beade), camiño Rioboo (Salgueira), baixada Salgueira (Salgueira), Fuchiños (Oia), estrada José Rivas (Coruxo), camiño Caringosta (Alcabre), rúa San Paio (Navia), camiño San Xurxo (Saiáns) e en Teis no calexón Campana, rúa Toural de Adentro, camiño Trobos, rúa Oliveira, camiño Gondosende, baixada a Ríos, travesía Chané e travesía Guixar.
Caballero lembrou que recentemente a Xunta de Goberno xa aprobara o inicio da humanización na avenida de Fragoso, as rúas Carme e Cesáreo Vázquez, a avenida Atlántida, rúa Nigrán e Padre Seixas e O Porriño cun importe próximo ao 1.500.000 euros.