Abel Caballero sobre Jaime Borrás: "Excepcional vigués, bo amigo e empresario destacado"
O alcalde participou este venres no acto de entrega da Medalla de Ouro do Círculo de Empresarios, que recoñeceu a traxectoria de Jaime Borrás, cofundador de BVC Artai e expresidente do Círculo de Empresarios de Galicia. Caballero cualificou o momento de "emocionante": "Na historia da empresa e a familia, aparece todo o mundo. Detrás hai algo tan importante como que nun mundo tan complexo foi capaz de facer unha empresa desde aquí para competir cos mellores do mundo e iso dálle máis valor ao que significas ti, a túa familia e a túa empresa". O rexedor subliñou que "Vigo é economía" e concluíu: "Unha empresa non ten peso se non ten valores: amizade, confianza, facer equipo e iso é Vigo".
