O albergue municipal atendeu a 854 persoas en risco de exclusión social
O alcalde deu a coñecer os datos do CIIES do ano 2021 e cifrou as pernoctas no albergue municipal en 11.762 e valorou positivamente que o 67% dos usuarios completen os proxectos de inserción. O albergue municipal ten unha partida orzamentaria de 785.000 euros.
Abel Caballero fixo balance do CIIES no ano 2021, un ano marcado pola pandemia no que os servizos sociais atender a 854 persoas en risco de exclusión social. O servizo do albergue atendeu a 208 persoas e 242 foron derivadas de xeito puntual a hostais pola situación de emerxencia social ou por a vaga de frío dos meses de inverno. “O único albergue municipal de Galicia”, subliñou o rexedor.
Tamén cifrou en case 20.000 as comidas do comedor social, do que fixeron uso 490 persoas. “Facilitamos o servizo de xeito presencial e a domicilio por mor da pandemia”, explicou. A unidade de hixiene atendeu a 336 persoas que fixeron 14.295 usos. O servizo de lavandería rexistrou 7.980 intervencións.
O Concello fai unha valoración multidisciplinar aos usuarios por parte dos usuarios do albergue, onde son atendidos por unha traballadora social, unha psicóloga e unha educadora social. “O obxectivo é coñecer a súa situación”, puxo de manifestou. Caballero valorou positivamente os proxectos de inserción levados a cabo no CIIES: “Se completaron ao 67%. É un dato moi significativo”
Caballero tamén explicou que medraron as intervencións do “Equipo de rúa” que atendeu a 257 persoas, un 25% máis. Tamén deu a coñecer as melloras levadas a cabo no 2021 no CIIES coa incorporación de novos equipos informáticos para os usuarios e novos electrodomésticos para o comedor.
Por mor da pandemia, os servizos sociais trasladaron a 285 persoas a facer PCR ou á vacinación. “Nos adaptamos á situación de pandemia”, concluíu.