Escoitar

O Concello completará a humanización da rúa Foxos, en Teis

O goberno de Vigo inaugurou este venres a primeira fase da reforma e o alcalde anunciou a elaboración do proxecto para estendela ata Sanjurjo Badía e finalizar así a humanización de toda a rúa.

venres, 11 feb 2022
Imaxe da visita deste venres.
Imaxe da visita deste venres.

Trátase dunha vía “moi importante para Teis e para Vigo”, manifestou Caballero, que dá acceso a Sanjurjo Badía e é “moi utilizada” tamén para chegar ao colexio Apóstol Santiago. Así, trasladou que deu instrucións ao edil de Fomento para redactar o proxecto de humanización da segunda fase.

Segundo explicou o alcalde durante a visita, Foxos “presentaba dificultades de aparcamento e de tráfico” e agora, na metade humanizada, conta cunha beirarrúa de metro e medio de ancho e tapouse unha cuneta para poder estacionar e ampliar a súa superficie útil. A humanización realizada inclúe canalizacións de augas pluviais en ambos marxes da vía e tamén nova rede de alumeado público, preparándoa para cando se modernice a iluminación.

Xunto á rúa Foxos, o Concello traballa actualmente en melloras nas rúas Severino Cobas e Curros, ambas en Lavadores, e na Praza a Feira de Cabral. Tamén o goberno vigués prevé iniciar de forma inmediata as reformas na rúa Torneiro e na Gándara, en Valadares e Beade, respectivamente.

Descargar todas as imaxes