Escoitar

O Concello estima en 6 millóns de euros anuais o custo de abrir os 142 parques infantís cumprindo a normativa da Xunta

O goberno municipal prevé a apertura estes días dalgúns destes espazos logo de contactar cunha empresa de desinfección e analizar en profundidade os requisitos para poñelos en funcionamento en condicións de seguridade.

martes, 16 xuñ 2020

O Concello calcula que a apertura dos 142 parques infantís da cidade respectando as condicións establecidas pola Xunta de Galicia custará medio millón de euros ao mes, 6 millóns de euros anuais. De engadirse os parques biosaudables e as pistas deportivas situadas en zonas verdes, que suman un total de 305 espazos, o custo ascende a 1 millón de euros mensuais, 12 millóns ao ano.

Así, o alcalde explicou en rolda de prensa nos próximos días abrirán algúns destes espazos en función da relación uso-custo, dado que o Concello "non pode dedicar 12 millóns de euros anuais a manter abertas estas instalacións", xa que este investimento soamente cubre o cumprimento das condicións de seguridade, limpeza, desinfección e control do aforo que establece a normativa da Xunta. Así, demandou ao goberno autonómico que asuma este custo, ao ser un gasto derivado da pandemia.