O rexedor destaca o "labor heroico" de ASIME nos seus corenta anos de traxectoria
No acto do 40 aniversario da Asociación de Industriais Metalúrxicas de Galicia, celebrado en Vigo, Abel Caballero recoñeceu a capacidade das empresas de ASIME para crear emprego e xerar a base central da economía e o valor engadido da industria galega, sendo quen de competir en sectores como a automoción, o aéreo, naval ou as novas tecnoloxías. Amais, manifestou amosou o seu orgullo como alcalde dunha cidade con "tantas e tantas empresas que merecedes aprecio polo voso labor heroico e a vosa capacidade de traballo". André Quintá Cortiña, Astilleros Cardama, Tromosa e Francisco León foron os homenaxeados nesta celebración.
