Escoitar

O Museo Quiñones de León custodiará 400 moedas históricas incautadas pola Garda Civil

O alcalde recibiu este xoves de man do SEPRONA o material da época romana, Idade Media e dos séculos XII ao XVII que se deposita no Pazo de Castrelos por orde xudicial, logo dunha investigación iniciada en Murcia, que continúa aberta.

xoves, 17 ago 2017
1502975311monedas.JPG
Abel Caballero transmitiu o seu agradecemento á Garda Civil pola entrega das 400 moedas de valor histórico e patrimonial incautadas polo SEPRONA e que se suman ao patrimonio museístico e histórico da cidade no Quiñones de León, quedando a disposición xudicial.

Segundo explicou, o material incautado procede de espolios cometidos na zona de Levante, que se vendían de forma ilegal a través de Internet, e que foron incautadas tras unha investigación e proceso xudicial iniciado en Murcia, que segue aberto. Entre as pezas confiscadas, figuran moedas prerromanas, romanas e medievais así como dos séculos XII ao XVII.

Caballero valorou que as moedas sexan custodiadas no Museo e referiuse á importancia de que os restos arqueolóxicos permanezan nos seus lugares de orixe.
Descargar todas as imaxes