Neurociencia e Filosofia eixo das XXIII Xornadas de Filosofía que comezan o martes
A Concellería de Cultura e mailo grupo Aletheia-Vigo organizan as XXIII Xornadas de Filosofía, que terán lugar no Auditorio Municipal do Concello (praza do Rei, 1) os días 17, 18 e 19 de novembro, de 17:00 h a 21:00 h (e de 10:30 a 13:30 h o mércores 18), baixo o título "Filosofía e Neurociencia".
A filosofía, que dende as súas orixes tivo o papel de dar explicación a todo o que o ser humano podía coñecer sobre o mundo, sobre si mesmo e sobre as divinidades, foi deixando co paso do tempo moitas parcelas do coñecemento delegando na teoloxía, na arte e na ciencia. Actualmente, a filosofía precisa mesmo da ciencia para convencer das súas teorías e para abrir canles de colaboración con ela. Desa maneira, deixa de ser un saber encorsetado para estar ao día nas súas teorías e facelas máis comprensibles, e por isto, precisa -e axuda- á física, á bioloxía, á cosmoloxía… e procura estar ao tanto dos seus descubrimentos.
Os últimos avances da ciencia camiñan polos vieiros da Neuroloxía, xurdindo deste modo a neurociencia. Ao decatarse destas investigacións, a filosofía pronto se uniu aos seus estudos e avances, aparecendo así a Neurofilosofía, que é un proxecto que tende á unificación do esforzo filosófico e científico co obxecto de mellorar a comprensión da natureza humana. A filosofía decatouse de que se pode achar máis rápido unha solución aos problemas humanos optando por estratexias cooperativas de investigación, deixando de lado o enfrontamento entre culturas cientificistas que desprezan o saber filosófico e culturas presuntamente humanistas que desprezan o saber científico.
As Neurociencias son un conxunto de disciplinas científicas que estudan a estrutura, a función, o desenvolvemento da bioquímica, a farmacoloxía, e a patoloxía do sistema nervioso e de como os seus diferentes elementos interactúan, dando lugar ás bases biolóxicas da conduta. A Neurociencia, como disciplina integral, tenta comprender e penetrar o problema da relación entre a mente, a conduta e a actividade propia do tecido nervioso. A partir do estudo a distintos niveis: molecular, neuronal, redes neuronais, condutual e cognitivo, a neurociencia trata de desentrañar a maneira de como a actividade do cerebro se relaciona coa psique e cos comportamentos. A Neurociencia está a revolucionar a maneira de entender as nosas condutas e o que é máis importante aínda: como aprende, como garda información o noso cerebro, e cales son os procesos biolóxicos que facilitan a aprendizaxe.
Os científicos da área de Neurociencias ocúpanse tamén do estudo de dúas enfermidades incapacitantes e de gran prevalencia na sociedade actual: a enfermidade de Alzheimer e a enfermidade de Parkinson. A aproximación a estas enfermidades é multidisciplinar. Analízanse as bases xenéticas, moleculares ou celulares determinantes da morte neuronal. Igualmente estúdanse os mecanismos fisiopatolóxicos da perda de memoria na enfermidade de Alzheimer ou dos trastornos motores e non motores da enfermidade de Parkinson. Búscanse marcadores bioquímicos, neurofisiolóxicos ou de neuroimaxe para o diagnostico precoz destas enfermidades, que axudará a unha terapia máis eficaz.
A entrada será de balde ata completar a capacidade do auditorio; as persoas interesadas poderán inscribirse previamente no correo-e "xornadasaletheia@yahoo.es". O profesorado que asista ao 75% das actividades destas xornadas terá dereito a 15 horas de formación recoñecidas pola Consellería de Educación; igualmente, todas as persoas do público en xeral, que asistan nesa mesma porcentaxe, poderán solicitar un diploma de asistencia.
Descargar todas as imaxes
Os últimos avances da ciencia camiñan polos vieiros da Neuroloxía, xurdindo deste modo a neurociencia. Ao decatarse destas investigacións, a filosofía pronto se uniu aos seus estudos e avances, aparecendo así a Neurofilosofía, que é un proxecto que tende á unificación do esforzo filosófico e científico co obxecto de mellorar a comprensión da natureza humana. A filosofía decatouse de que se pode achar máis rápido unha solución aos problemas humanos optando por estratexias cooperativas de investigación, deixando de lado o enfrontamento entre culturas cientificistas que desprezan o saber filosófico e culturas presuntamente humanistas que desprezan o saber científico.
As Neurociencias son un conxunto de disciplinas científicas que estudan a estrutura, a función, o desenvolvemento da bioquímica, a farmacoloxía, e a patoloxía do sistema nervioso e de como os seus diferentes elementos interactúan, dando lugar ás bases biolóxicas da conduta. A Neurociencia, como disciplina integral, tenta comprender e penetrar o problema da relación entre a mente, a conduta e a actividade propia do tecido nervioso. A partir do estudo a distintos niveis: molecular, neuronal, redes neuronais, condutual e cognitivo, a neurociencia trata de desentrañar a maneira de como a actividade do cerebro se relaciona coa psique e cos comportamentos. A Neurociencia está a revolucionar a maneira de entender as nosas condutas e o que é máis importante aínda: como aprende, como garda información o noso cerebro, e cales son os procesos biolóxicos que facilitan a aprendizaxe.
Os científicos da área de Neurociencias ocúpanse tamén do estudo de dúas enfermidades incapacitantes e de gran prevalencia na sociedade actual: a enfermidade de Alzheimer e a enfermidade de Parkinson. A aproximación a estas enfermidades é multidisciplinar. Analízanse as bases xenéticas, moleculares ou celulares determinantes da morte neuronal. Igualmente estúdanse os mecanismos fisiopatolóxicos da perda de memoria na enfermidade de Alzheimer ou dos trastornos motores e non motores da enfermidade de Parkinson. Búscanse marcadores bioquímicos, neurofisiolóxicos ou de neuroimaxe para o diagnostico precoz destas enfermidades, que axudará a unha terapia máis eficaz.
A entrada será de balde ata completar a capacidade do auditorio; as persoas interesadas poderán inscribirse previamente no correo-e "xornadasaletheia@yahoo.es". O profesorado que asista ao 75% das actividades destas xornadas terá dereito a 15 horas de formación recoñecidas pola Consellería de Educación; igualmente, todas as persoas do público en xeral, que asistan nesa mesma porcentaxe, poderán solicitar un diploma de asistencia.