O goberno local convenia a celebración de 200 actuacións de bandas e corais polifónicas
O alcalde rubricou este mércores dous convenios para a organización este ano dos programas "Vigo, un mar de bandas" e "Vigo, un mar de corais", que suman case que 200 actuacións na cidade. O goberno local adica ao efecto máis de 170.000 euros.
Abel Caballero asinou ambos convenios con Enrique Lorenzo, en representación da Federación de Bandas de Música Populares de Vigo e da Asociación de Corais Polifónicas de Vigo, e ante decenas de directores e presidentes de bandas e corais da cidade, nun acto celebrado este mércores na galería da Alcaldía.
O goberno local subvenciona con 146.000 euros o "Vigo, un mar de bandas", o programa polo que 9 bandas da cidade ofrecerán un total de 90 actuacións tanto no centro como nos barrios e parroquias que inclúe asemade formación continua para os músicos coa iniciativa "Aulas de Música nas Bandas".
O segundo acordo de colaboración rubricado este mércores implica a concesión de 25.000 euros por parte do Concello para a celebración do "Vigo, un mar de corais". 34 formacións corais da cidade ofrecerán 102 actuacións.
Descargar todas as imaxes
O goberno local subvenciona con 146.000 euros o "Vigo, un mar de bandas", o programa polo que 9 bandas da cidade ofrecerán un total de 90 actuacións tanto no centro como nos barrios e parroquias que inclúe asemade formación continua para os músicos coa iniciativa "Aulas de Música nas Bandas".
O segundo acordo de colaboración rubricado este mércores implica a concesión de 25.000 euros por parte do Concello para a celebración do "Vigo, un mar de corais". 34 formacións corais da cidade ofrecerán 102 actuacións.