O Ministerio de Fomento comprométese co alcalde de Vigo a licitar este ano a obra do segundo cinto de circunvalación
Lois Castrillo afirma que, trala entrevista de hoxe co Secretario de Estado de Infraestructuras, se desbloquearon os principais proxectos de infraestructuras da cidade.
O Ministerio de Fomento presentará o proxecto do segundo cinto de circunvalación antes do verán para a súa exposición pública. Ese é o compromiso que o alcalde de Vigo, Lois Pérez Castrillo, obtivo do Ministerio de Fomento. O secretario de estado de infraestructuras, Benigno Blanco, comunicoulle oficialmente ao alcalde que o Ministerio aceptou as principais propostas realizadas polo Concello de modificación no trazado do segundo cinto. O Goberno municipal, de acordo coa Xunta e o Consorcio da Zona Franca, transmitíralle o pasado ano a Fomento a necesidade de introducir algúns cambios no trazado previsto para facilitar a conexión do novo vial co Parque Tecnolóxico, a urbanización de Navia, ou a zona industrial de Balaídos. Técnicos de Fomento e do Concello seguirán en contacto para estudiar algúns aspectos do proxecto de menor trascendencia. O obxectivo fixado por ámbalas partes é o de que a obra se licite este mesmo ano.
Outro dos compromisos conseguidos por Lois Castrillo na súa visita a Madrid é o de que o Ministerio de Fomento aprobe en xuño o Plan Director do Aeroporto e o remita ao Concello. Na reunión entre o alcalde e o secretario de estado falouse tamén da Travesía de Vigo. Benigno Blanco anuncioulle a Castrillo que as obras de remodelación da Travesía continuarán de inmediato naqueles puntos onde non se pretenden introducir modificacións ao proxecto orixinal. O Ministerio redactará un proxecto para o resto do trazado, que lle fará chegar en maio ao Concello, e no que se incluirán as reformas suxeridas pola Corporación municipal.
O alcalde vigués trasladoulle ao Ministerio as súas propostas para que se convirta en urbano o treito final da A-9 a través da construcción de conexións co barrio de Teis. Tamén lle trasladou a idea de realizar un acceso directo dende a autoestrada á nova estación de ferrocarril que construirá Renfe e a de aproveitar ese proxecto para crear unha estación intermodal (tren, autobús, metro lixeiro). Outro proxecto que se lle entregou ao Ministerio foi o da reordenación das estradas no contorno do aeroporto e de Cotogrande. Benigno Blanco comunicoulle que todas estas propostas van ser analizadas pola administración central.
O alcalde de Vigo declarouse compracido de que se desbloquearan os principais proxectos de infraestructuras da cidade e por conseguir que se fixaran prazos por primeira vez para presentalos. Lois Castrillo tamén salientou o feito de que se establecera unha canle de diálogo entre o Concello e o Ministerio de Fomento para estudiar de forma conxunta as infraestructuras que lle corresponde realizar na nosa cidade ao goberno central. O alcalde reiteroulle ao ministro de Fomento, Francisco Álvarez cascos, a invitación para que visite Vigo e coñeza a cidade e as súas necesidades.
O Ministerio de Fomento presentará o proxecto do segundo cinto de circunvalación antes do verán para a súa exposición pública. Ese é o compromiso que o alcalde de Vigo, Lois Pérez Castrillo, obtivo do Ministerio de Fomento. O secretario de estado de infraestructuras, Benigno Blanco, comunicoulle oficialmente ao alcalde que o Ministerio aceptou as principais propostas realizadas polo Concello de modificación no trazado do segundo cinto. O Goberno municipal, de acordo coa Xunta e o Consorcio da Zona Franca, transmitíralle o pasado ano a Fomento a necesidade de introducir algúns cambios no trazado previsto para facilitar a conexión do novo vial co Parque Tecnolóxico, a urbanización de Navia, ou a zona industrial de Balaídos. Técnicos de Fomento e do Concello seguirán en contacto para estudiar algúns aspectos do proxecto de menor trascendencia. O obxectivo fixado por ámbalas partes é o de que a obra se licite este mesmo ano.
Outro dos compromisos conseguidos por Lois Castrillo na súa visita a Madrid é o de que o Ministerio de Fomento aprobe en xuño o Plan Director do Aeroporto e o remita ao Concello. Na reunión entre o alcalde e o secretario de estado falouse tamén da Travesía de Vigo. Benigno Blanco anuncioulle a Castrillo que as obras de remodelación da Travesía continuarán de inmediato naqueles puntos onde non se pretenden introducir modificacións ao proxecto orixinal. O Ministerio redactará un proxecto para o resto do trazado, que lle fará chegar en maio ao Concello, e no que se incluirán as reformas suxeridas pola Corporación municipal.
O alcalde vigués trasladoulle ao Ministerio as súas propostas para que se convirta en urbano o treito final da A-9 a través da construcción de conexións co barrio de Teis. Tamén lle trasladou a idea de realizar un acceso directo dende a autoestrada á nova estación de ferrocarril que construirá Renfe e a de aproveitar ese proxecto para crear unha estación intermodal (tren, autobús, metro lixeiro). Outro proxecto que se lle entregou ao Ministerio foi o da reordenación das estradas no contorno do aeroporto e de Cotogrande. Benigno Blanco comunicoulle que todas estas propostas van ser analizadas pola administración central.
O alcalde de Vigo declarouse compracido de que se desbloquearan os principais proxectos de infraestructuras da cidade e por conseguir que se fixaran prazos por primeira vez para presentalos. Lois Castrillo tamén salientou o feito de que se establecera unha canle de diálogo entre o Concello e o Ministerio de Fomento para estudiar de forma conxunta as infraestructuras que lle corresponde realizar na nosa cidade ao goberno central. O alcalde reiteroulle ao ministro de Fomento, Francisco Álvarez cascos, a invitación para que visite Vigo e coñeza a cidade e as súas necesidades.