O concelleiro de Deportes augura o éxito da Bandeira Concello de Vigo de traiñeiras na súa nova ubicación diante da praia do Vao
A Bandeira Concello de Vigo de traiñeiras, que entra na súa decimonovena edición, volve como cada verán a Ría para ofrecer o mellor remo galego en acción. O concelleiro de Deportes, Manel Fernández, amosou de forma pública a súa "satisfacción" por que a regata cambie a súa localización ao Vao "gañando en espectacularidade" e engadiu a iso o seu convencemento "da gran repercusión que terá na cidadanía".
Na presentación do evento no Concello, o edil felicitou ao Club de Remo Coruxo por "asumir en primeira persoa a organización e desenvolvemento deste evento" (antes era compartido co Náutico vigués e a proba realizábase a escasos metros da súa sede social), e lembrou aos directivos do CRC que o alcalde da cidade, Abel Caballero, "é un apaixonado do deporte".
Ás 11:30 horas deste domingo día 17 comezará a primeira das tres mangas dunha bandeira que, patrocinada polo Concello, contará coas 14 tripulacións inscritas na Liga Galega de Traiñeiras (LGT). A sétima proba do calendario de dezasete regatas que conforman o campionato autonómico ten un claro favorito en Amegrove, líder da Liga e perseguida por Chapela e Cabo dá Cruz. "É moi previsible que volva gañar, pero…", sostén Darío Méndez, vicepresidente do club de remo, que tenta facer un bo papel na metade da táboa.
De feito, para Amegrove sería a primeira vez que consiga esta bandeira que o tamén grovense Mecos xa a conquistou en dúas edicións. Samertolameu de Meira, vencedor en 2010, é o club que máis veces a gañou (11).
Na quenda de honra (12:30) participarán as tripulacións mellor clasificadas da Liga Galega e, previsiblemente, dela sairá o vencedor salvo sorpresa. Será unha regata en liña con catro longos e que partirá de forma espectacular cara a Samil dende a ponte de Toralla, que durante a boga cruzarán en dúas ocasións, o que outorga a esa localización os galóns de punto "idóneo" para seguir a competición. Os bañistas poderán seguila tamén dende toda a praia do Vao.
O concelleiro asegurou que "é unha enorme satisfacción poder contribuír a que se desenvolva este evento". A Bandeira Concello de Vigo é a sexta con máis edicións do calendario da LGT e, cos seus 12.000 euros en premios (dende os case 1.800 para o campión aos 500 para o décimo cuarto e último), é a de máis orzamento por detrás da Bandeira Teresa Herrera. Ademais, é a única regata deste verán en Vigo.
Descargar todas as imaxes
Ás 11:30 horas deste domingo día 17 comezará a primeira das tres mangas dunha bandeira que, patrocinada polo Concello, contará coas 14 tripulacións inscritas na Liga Galega de Traiñeiras (LGT). A sétima proba do calendario de dezasete regatas que conforman o campionato autonómico ten un claro favorito en Amegrove, líder da Liga e perseguida por Chapela e Cabo dá Cruz. "É moi previsible que volva gañar, pero…", sostén Darío Méndez, vicepresidente do club de remo, que tenta facer un bo papel na metade da táboa.
De feito, para Amegrove sería a primeira vez que consiga esta bandeira que o tamén grovense Mecos xa a conquistou en dúas edicións. Samertolameu de Meira, vencedor en 2010, é o club que máis veces a gañou (11).
Na quenda de honra (12:30) participarán as tripulacións mellor clasificadas da Liga Galega e, previsiblemente, dela sairá o vencedor salvo sorpresa. Será unha regata en liña con catro longos e que partirá de forma espectacular cara a Samil dende a ponte de Toralla, que durante a boga cruzarán en dúas ocasións, o que outorga a esa localización os galóns de punto "idóneo" para seguir a competición. Os bañistas poderán seguila tamén dende toda a praia do Vao.
O concelleiro asegurou que "é unha enorme satisfacción poder contribuír a que se desenvolva este evento". A Bandeira Concello de Vigo é a sexta con máis edicións do calendario da LGT e, cos seus 12.000 euros en premios (dende os case 1.800 para o campión aos 500 para o décimo cuarto e último), é a de máis orzamento por detrás da Bandeira Teresa Herrera. Ademais, é a única regata deste verán en Vigo.