O concelleiro de Cultura asegura que a décima edición do Marisquiño volverá bater récords de participación
A décima edición do festival de deportes e cultura urbana O Marisquiño, que terá lugar entre os días 5 e 8 de agosto, pretende superar os espectaculares datos do último ano, segundo explicou o concelleiro de Cultura e Animación Sociocultural, Xesús López. "O ano pasado houbo 750 participantes de todo o mundo, 45.000 espectadores, 300.000 visitas on-line nunha fin de semana e máis dun millón de reproduccións de todos os vídeos colgados na rede. Pois todas estas cifras, que son incribles, vanse quedar pequenas na presente edición", manifestou López.
O Marisquiño comezou no ano 2001 como un simple campionato de skate e agora é un acontecemento mundial da cultura e o deporte urbano, no que están presentes os mellores especialistas do mundo. O concelleiro quixo agradecer o traballo do director do festival, Carlos Domínguez, Pity, xa que "sen o seu esforzo sería imposible lograr o que é actualmente o festival: música, deporte, cine, arte na rúa... Un gran evento que é posible grazas a el, a alma do Marisquiño". Xesús López tamén agradeceu o esforzo dos patrocinadores e de forma moi especial do Xacobeo e do seu director xerente, Ignacio Santos, que acudiu tamén ao acto de presentación do festival.
Pola súa banda, o responsable do Xacobeo explicou que "este festival cumpre todos os condicionantes para forma parte do programa "Galicia o vivo" e por iso conta co noso apoio. Ademais isto permítenos artellar unha programación descentralizada, con contidos diferentes e que abarca a todos os públicos".
O máximo responsable do Marisquiño, Pity, recordou os inicios e recoñeceu que "nunca pensamos chegar tan lonxe" e explicou que na programación deste ano hai moitas novidades como o Freestyle Motocross "é unha das grandes atraccións deste ano, un salto de 35 metros de lonxitude onde os pilotos poden alcanzar alturas de máis de 8 metros coa ría de fondo. Normalmente este espectáculo é de pago, pero a nosa filosofía non nos permite cobrar polo que seguirá sendo un espectáculo de balde". Pity tamén destacou a novidade do ciclo de cine (día 31 de xullo no Marco) e que a programación musical aumentou de un día a catro.
O Marisquiño desenvolverase entre os días 5 e 8 de agosto e todas as actividades deportivas e culturais (coa excepción do concerto de Public Enemy que se celebrará no auditorio de Castrelos) terán lugar diante da explanada do Náutico de Vigo.
*Máis información na web www.omarisquino.com
Descargar todas as imaxes
Pola súa banda, o responsable do Xacobeo explicou que "este festival cumpre todos os condicionantes para forma parte do programa "Galicia o vivo" e por iso conta co noso apoio. Ademais isto permítenos artellar unha programación descentralizada, con contidos diferentes e que abarca a todos os públicos".
O máximo responsable do Marisquiño, Pity, recordou os inicios e recoñeceu que "nunca pensamos chegar tan lonxe" e explicou que na programación deste ano hai moitas novidades como o Freestyle Motocross "é unha das grandes atraccións deste ano, un salto de 35 metros de lonxitude onde os pilotos poden alcanzar alturas de máis de 8 metros coa ría de fondo. Normalmente este espectáculo é de pago, pero a nosa filosofía non nos permite cobrar polo que seguirá sendo un espectáculo de balde". Pity tamén destacou a novidade do ciclo de cine (día 31 de xullo no Marco) e que a programación musical aumentou de un día a catro.
O Marisquiño desenvolverase entre os días 5 e 8 de agosto e todas as actividades deportivas e culturais (coa excepción do concerto de Public Enemy que se celebrará no auditorio de Castrelos) terán lugar diante da explanada do Náutico de Vigo.
*Máis información na web www.omarisquino.com