Escoitar

As Xornadas de Dereito Urbanístico contribúen á formación xurídica de profesionais

venres, 19 abr 2002
imx1317.jpg
As III Xornadas de Dereito Urbanístico, promovidas pola Xerencia de Urbanismo, versarán sobre “Solo e Urbanismo” e celebraranse o 22 e 23 de abril no Club Financeiro. Organízanse en colaboración coa “Fundación Justicia en el Mundo de la Unión Internacional de Magistrados”, que desenvolve así na nosa cidade o seu décimo curso de formación xurídica para empresas e profesionais.

O programa ofrece un repaso exhaustivo sobre importantes aspectos da relación “Solo e Urbanismo” como son os valores e expropiacións urbanísticas, as competencias do Estado e das comunidades autónomas, os efectos da Sentencia do TC 61/1997 de 20 de marzo sobre o control da edificación e uso do solo, os sistemas de execución do planeamento urbanístico ou a responsabilidade patrimonial da acción urbanística.

As xornadas están destinadas aos profesionais da xustiza e do urbanismo e están abertas á participación de profesionais de toda Galicia pertencentes a actividades relacionadas co urbanismo e a xustiza. A través destas xornadas, Vigo estase a converter en referencia obrigada para toda Galicia no ámbito dos cursos de formación xurídica.

PROGRAMA

Luns, 22 de abril de 2002

09.30 h. Acreditacións e recollida de documentación.

10.00 h. Apertura e presentación de curso.
Excmo. Sr. D. Ramón Rodríguez Arribas.
Maxistrado do Tribunal Supremo.
Presidente Executivo da Fundación Xusticia no Mundo da Unión Internacional de Maxistrados.

10.30 h. CONFERENCIA INAUGURAL:
“VALORACIÓNS E EXPROPIACIÓNS URBANÍSTICAS”
Excmo. Sr. D. Francisco José Hernando Santiago.
PRESIDENTE do Consello Xeral do Poder Xudicial e do Tribunal Supremo.

11.30 h. Pausa

12.00 h. “COMPETENCIAS DO ESTADO E DAS COMUNIDADES AUTÓNOMAS: LEXISLACIÓN BÁSICA E SUPLETORIA. EFECTOS DA SENTENCIA DO TRIBUNAL CONSTITUCIONAL 61/1997, DO 20 DE MARZO.”
Excmo. Sr. D. Jorge Rodríguez –Zapata Pérez
Maxistrado do Tribunal Supremo.

Coloquio

14.00 h. Almorzo libre

16.00 h.“O CONTROL DA EDIFICACIÓN E USO DO SOLO.
AS LICENCIAS URBANÍSTICAS.”
Excmo. Sr. D. Ricardo Enríquez Sancho.
Maxistrado do Tribunal Supremo.

Coloquio

17.00 h. Pausa

17.30 h.“SISTEMAS DE EXECUCIÓN DO PLANEAMENTO URBANÍSTICO”
Ilmo. Sr. D. José María Arrojo Martínez
Presidente da Sala Contencioso Administrativo do Tribunal Superior de Xusticia de Galicia

Coloquio

Martes, 23 de abril de 2002

10.00 h. “O PLANEAMENTO URBANÍSTICO”.
Sr. D. Enrique Sánchez Goyanes.
Profesor Titular de Dereito Administrativo da
Universidade Autónoma de Madrid. Avogado.

Coloquio

11.30 h. Pausa

12.00 h. “RESPONSABILIDADE PATRIMONIAL DA ACCIÓN
URBANÍSTICA.”
Excmo. Sr. D. Diego Córdoba Castroverde.
Maxistrado Xefe do Gabinete Técnico do Tribunal Supremo.

Coloquio

14.00 h. Almorzo libre.

16.00 h “INTERVENCIÓN DOS CIDADÁNS NA ACTIVIDADE
URBANÍSTICA”
Excmo. Sr. D. Mariano de Oro-Pulido y López.
Maxistrado do Tribunal Supremo.

Descargar todas as imaxes