Un taller interactivo de Vigozoo permitirá o achegamento dos nenos á fauna galega
O Organismo Autónomo Municipal Vigozoo contará cun taller interactivo para escolares denominado ”Toca-toca, non toques” no que se exhibirán réptiles, anfibios e insectos propios do ecosistema atlántico e outras especies das máis espectaculares do planeta.
Na exposición amosaranse especies dentro do seu ambiente natural para poder observar o seu comportamento. Os visitantes recibirán explicacións sobre os aspectos máis curiosos de cada grupo de animais tales como mimetismo, albinismo, veleno e antídotos.
A compoñente didáctica da mostra apoiarase nunha axeitada rotulación e nunha serie de paneis informativos que ilustren a temática relativa a cada especie.
O taller ”Toca-toca, non toques” permitiralles aos escolares o contacto físico cos animais que non supoñan perigo. Así, os cativos aprenderán a diferenciar cada un deles, especialmente os que se poden encontrar en Galicia.
Instalaranse máis de 40 terrarios para acoller os animais que dispoñen de instalación eléctrica coas diversas iluminacións, focos e fluorescentes especiais que garanticen a supervivencia dos animais.
O centro situarase no edificio de usos múltiples do zoolóxico. Deste xeito, engádese un novo atractivo para as visitas a Vigozoo durante todo o ano, que se poderá converter nun centro especializado en herpetoloxía e entomoloxía.
Descargar todas as imaxes
Na exposición amosaranse especies dentro do seu ambiente natural para poder observar o seu comportamento. Os visitantes recibirán explicacións sobre os aspectos máis curiosos de cada grupo de animais tales como mimetismo, albinismo, veleno e antídotos.
A compoñente didáctica da mostra apoiarase nunha axeitada rotulación e nunha serie de paneis informativos que ilustren a temática relativa a cada especie.
O taller ”Toca-toca, non toques” permitiralles aos escolares o contacto físico cos animais que non supoñan perigo. Así, os cativos aprenderán a diferenciar cada un deles, especialmente os que se poden encontrar en Galicia.
Instalaranse máis de 40 terrarios para acoller os animais que dispoñen de instalación eléctrica coas diversas iluminacións, focos e fluorescentes especiais que garanticen a supervivencia dos animais.
O centro situarase no edificio de usos múltiples do zoolóxico. Deste xeito, engádese un novo atractivo para as visitas a Vigozoo durante todo o ano, que se poderá converter nun centro especializado en herpetoloxía e entomoloxía.