Escoitar

O ciclo ”Dez conceptos para a entender a arte contemporánea” abre o debate sobre a función social da arte

martes, 23 out 2001
imx702.jpg
A Fundación Laxeiro abriu o prazo de inscrición para participar nas xornadas sobre arte contemporánea que reunirán en Vigo, do 12 ó 16 de novembro, diversos expertos do pensamento estético do Estado español que ofrecerán os seus relatorios na sala de conferencias do auditorio Caixanova.

Este proxecto parte da necesidade de reducir a distancia entre o gusto artístico xeral e a situación da arte contemporánea, co obxectivo de provocar un debate sobre a problemática da arte actual e a súa función social.

Os destinatarios das xornadas son alumnos de Belas Artes, Historia da Arte, Arquitectura e Humanidades: profesionais da información: profesores de Historia da Arte de Ensino Medio e público xeral con interese pola arte contemporánea.

Este ciclo está dirixido por Ignacio Pérez-Jofre Santesmases, profesor titular de Pintura da Universidade de Vigo. Participarán Tomás Lloréns, director do Museo Thyssen-Bornemisza: Antón Castro, profesor titular de Historia da Arte da Universidade de Vigo: Juan Fernando de Laiglesia, catedrático de Escultura da Universidade de Vigo: Rafael Doctor, director do Canal de Isabel II e Alberto González-Alegre, director da Fundación Luis Seoane, entre outros.

A cota de inscrición ordinaria é de 7.000 pesetas e inclúe a asistencia e participación nas xornadas, a entrega de documentación e un certificado acreditativo de asistencia. O prazo para anotarse remata o 8 de novembro.


SOLICITUDE DE INFORMACIÓN

Descargar todas as imaxes