O Goberno local aproba a humanización dos accesos á ermida da Guía

O Concello de Vigo aprobará na Xunta de Goberno Local deste venres o proxecto da humanización dos accesos á ermida da Guía en Teis. Os obxectivos da actuación son conseguir unha recuperación e mellora do espazo urbano no acceso á ermida, adaptando a sección da rúa e “potenciando o espazo do peón fronte ao do coche”, como explicou o rexedor.

A lonxitude de actuación é de 200 metros e terá un ancho variable entre 5 e 10 metros, o que supón unha superficie de 3.096 m2. Entre os traballos que se executarán: 

• Demolición da estrutura en beiril da pasarela peonil.
• Demolición da antiga cafetería e acondicionamento do camiño que da acceso á mesma.
• Redistribución do vial cunha nova sección transversal, transformándoo nun espazo de prioridade peonil con tráfico vehicular restrinxido.
• Renovación do pavimento do vial en formigón e repavimentación da rampla de acceso ao cruceiro.
• Renovación da rede de iluminación e instalación de unha nova iluminación tipo LED.
• Instalación de nova rede eléctrica para poder independizar o alumeado.
• Instalación dunha nova rede semafórica para a regulación do tráfico.
• Instalación de rede de rego.
• Instalación de varanda, mobiliario e plantación de vexetación.

Caballero resaltou que se trata dunha “obra importantísima”, que terá un investimento de 638.000€ e conta cun prazo estimado para a execución das mesmas é de 5 meses.