O alcalde anima "a todo Vigo" a participar no Concurso de Tapas do Casco Vello
Abel Caballero sumouse hoxe "ao esforzo" dos hosteleiros do Casco Vello por recuperar esta zona da cidade. Así o dixo na presentación da oitava edición do Concurso de tapas do Casco Vello, na que este ano participan desde hoxe 25 locais.
Caballero desexoulle moitos éxitos aos representantes dos 25 locais do Casco Vello que desde hoxe e ata o 27 de outubre participan na oitava edición do Concurso de Tapas. Acompañado pola tenente de alcalde, Carmela Silva, e o concelleiro de Comercio, Angel Rivas, o alcalde comprometeuse cos hoteleiros en seguir dando pasos para mellorar unha zona da cidade, "que xa está medio recuperada", matizou.
Durante a presentación, o rexedor puxo en valor a gastronomía e a hostelería como "unha das patas" fundamentais para o futuro da cidade, para o turismo e o comercio "sectores onde temos moito que dicir". Rematou animando a todo Vigo a participar nesta consolidada iniciativa á que cada vez se incorporan máis locais.
Descargar todas as imaxes
Durante a presentación, o rexedor puxo en valor a gastronomía e a hostelería como "unha das patas" fundamentais para o futuro da cidade, para o turismo e o comercio "sectores onde temos moito que dicir". Rematou animando a todo Vigo a participar nesta consolidada iniciativa á que cada vez se incorporan máis locais.