O alcalde anunciou a posta en marcha do novo ascensor de Juan Ramón Jiménez, que une Marqués de Valterra con Torrecedeira, concretamente o Auditorio Mar de Vigo co parque Camilo José Cela. É o segundo ascensor que une estas rúas e que forman parte do corredor mecánico que une a zona do mar co Castro.
Vigo aumenta de 45 a 70 euros mensuais a achega por cada neno ou nena e destina ata 3 millóns aos comedores, mentres a Xunta mantén conxeladas as súas axudas ás ANPA.
O alcalde avanzou o inicio das obras de “renovación integral” das xardineiras da Praza da Independencia que teñen un orzamento superior aos 40.000 euros para que sexan “acordes coa beleza da praza, acordes co deseño da praza e co marcroparque infantil que é excepcional”. Nestes momentos a obra está nas últimas fases da tramitación e, tal e como explicou Caballero, o obxectivo é que estea rematada antes de final de ano.
“A A-55 é unha vía perigosísima e cada día convértese nunha trampa para miles de vehículos que a percorren de Vigo ao Porriño e do Porriño a Vigo”, afirmou o alcalde. Segundo os datos da Dirección Xeral de Tráfico, acumula preto de 3.000 accidentes, uns 2.000 feridos e 10 falecidos nos últimos dez anos.
Abel Caballero participou este martes na inauguración de SIHDA 2026, o 79 Congreso da Sociedade Internacional Fernand de Visscher para a Historia dos Dereitos da Antigüidade que durante catro xornadas reunirá na cidade a 200 especialistas e poñentes de todo o mundo. Nesta cita reflexionarán sobre a presenza, o papel e a representación xurídica das mulleres nas sociedades antigas. Na súa intervención, o rexedor puxo en valor o dereito romano como base para o desenvolvemento posterior das normas xurídicas que foron avanzando, cos tempos, e incorporando as mulleres e os seus dereitos e liberdades.