O Vao acolle este sábado a última proba do Campionato Galego de motos de auga
A praia do Vao acolle este sábado a quinta e última proba do Campionato Galego de motos de Auga e Embarcacións Pneumáticas 2006, cita organizada pola Federación Galega de Motonáutica co patrocinio do Concello de Vigo e a Dirección Xeral para o Deporte.
Unha vez desputadas as catro primeiras probas, os primeiros postos das diferentes clasificacións xerais están bastante definidos, polo que, salvo sorpresa, haberá pleno vigués. En motos de auga é onde a situación está máis clara, apesar de que os pilotos aínda non poden desbotar a posibilidade de obter os seus peores resultados da temporada.
Na modalidade de Jet Ski, de motos de auga, a viguesa Sandra Fernández impúxose en tres das catro probas desputadas ata o de agora, o que fai pensar que a renda de que dispón será suficiente para proclamarse campiona galega polo simple feito de participar na carreira do sábado no Vao. Se a previsión se cumpre, Sandra Fernández revalidaría o seu título autonómico.
Así as cousas, a atención céntrase na reñida loita polos outros dous postos do podio final. O piloto de Cangas Carlos Avelino Blanco ocupa actualmente a segunda praza con 64 puntos, seguido moi de cerca polo vigués Roberto Luciarte (58) e o marinense Isidoro Carabelos (50).
Na outra modalidade de motos de auga, a Maxi, a situación é bastante parecida. Fernando Pazó, gañador tamén de tres das catro probas realizadas, ten na súa man revalidar o título de campión de Galicia. Para conseguilo tamén lle basta con participar nesta última proba. Mentres, nesta modalidade a segunda praza parece moito máis clara que en Jet Ski, e será para o corredor de Vilagarcía Pablo Lindner (70 puntos), a non ser que cometa algún erro e lle conceda a oportunidade de escalar un posto ao vigués Enrique Prado (60), á súa vez asediado polo piloto de Cambados Juan José Falcón (57).
Por último, en embarcacións pneumáticas a loita polo Campionato Galego preséntase apaixonante, con opcións de triunfo para os catro primeiro da clasificación xeral. O liderado provisional ocúpao José Ramón Perfecto (738 puntos), pero José Lorenzo (600), Francisco José Pereira (527) e Juan Carlos Solla (525) manteñen intactas as súas posibilidades de alcanzar a primeira praza.
A organización desta quinta proba do Campionato Galego na praia do Vao conta coa colaboración do Club Motonáutica Vigojet, a Policía Local, Protección Civil e o Grupo Especial de Actividades Subacuáticas da Garda Civil.
Descargar todas as imaxes
Na modalidade de Jet Ski, de motos de auga, a viguesa Sandra Fernández impúxose en tres das catro probas desputadas ata o de agora, o que fai pensar que a renda de que dispón será suficiente para proclamarse campiona galega polo simple feito de participar na carreira do sábado no Vao. Se a previsión se cumpre, Sandra Fernández revalidaría o seu título autonómico.
Así as cousas, a atención céntrase na reñida loita polos outros dous postos do podio final. O piloto de Cangas Carlos Avelino Blanco ocupa actualmente a segunda praza con 64 puntos, seguido moi de cerca polo vigués Roberto Luciarte (58) e o marinense Isidoro Carabelos (50).
Na outra modalidade de motos de auga, a Maxi, a situación é bastante parecida. Fernando Pazó, gañador tamén de tres das catro probas realizadas, ten na súa man revalidar o título de campión de Galicia. Para conseguilo tamén lle basta con participar nesta última proba. Mentres, nesta modalidade a segunda praza parece moito máis clara que en Jet Ski, e será para o corredor de Vilagarcía Pablo Lindner (70 puntos), a non ser que cometa algún erro e lle conceda a oportunidade de escalar un posto ao vigués Enrique Prado (60), á súa vez asediado polo piloto de Cambados Juan José Falcón (57).
Por último, en embarcacións pneumáticas a loita polo Campionato Galego preséntase apaixonante, con opcións de triunfo para os catro primeiro da clasificación xeral. O liderado provisional ocúpao José Ramón Perfecto (738 puntos), pero José Lorenzo (600), Francisco José Pereira (527) e Juan Carlos Solla (525) manteñen intactas as súas posibilidades de alcanzar a primeira praza.
A organización desta quinta proba do Campionato Galego na praia do Vao conta coa colaboración do Club Motonáutica Vigojet, a Policía Local, Protección Civil e o Grupo Especial de Actividades Subacuáticas da Garda Civil.