O Concello aproba a revisión das tarifas dos autotaxis para 2006
A Xunta de Goberno Local aprobou hoxe luns a revisión das tarifas dos autotaxis para 2006. A baixada de bandeira pasará a custar 2,61 euros e o prezo por cada kilómetro percorrido será de 70 céntimos os días laborables de 06:00 a 22:30.
Segundo explicou o concelleiro de Seguridade, Tráfico e Transporte, Antonio Coello, o prezo do kilómetro será de 72 céntimos os domingos e festivos, os sábados a partir das 15:00 e durante o servizo nocturno, de 22:30 a 06:00. Os prezos serán idénticos para os restantes conceptos en ambas as tarifas. Así, a hora de espera custará 14,18 euros, o suplemento do aeroporto, 3,22, o suplemento de Cotogrande, 2,23, mentres que polas maletas e bultos análogos se pagarán 40 céntimos.
Prezos do transporte público
Ademais, Antonio Coello informou de que hoxe luns tería lugar unha reunión entre os representantes dos grupos políticos do Concello e de Vitrasa para determinar as novas tarifas do transporte público. Coello anunciou que presentará novamente a lista de tarifas intermedias que xa propuxo no Pleno da Corporación do pasado venres, segundo a cal o billete normal pasaría a custar 70 céntimos, o de estudante, 67, e o universitario, 48, manténdose a gratuidade para os pensionistas.
Descargar todas as imaxes
Prezos do transporte público
Ademais, Antonio Coello informou de que hoxe luns tería lugar unha reunión entre os representantes dos grupos políticos do Concello e de Vitrasa para determinar as novas tarifas do transporte público. Coello anunciou que presentará novamente a lista de tarifas intermedias que xa propuxo no Pleno da Corporación do pasado venres, segundo a cal o billete normal pasaría a custar 70 céntimos, o de estudante, 67, e o universitario, 48, manténdose a gratuidade para os pensionistas.