Escoitar

A Federación de Peñas "El Olivo" celebra o seu Magosto na praza do Berbés

A celebración terá lugar o sábado 13 de novembro e contará con diversas actuacións musicais de grupos folclóricos. A lectura do pregón correrá a cargo de Chano Rodríguez.<br /> <br />

xoves, 11 nov 2004
O día 13 de novembro, entre as 18 e as 22 horas, a Federación de Peñas Recreativas "El Olivo" celebra a súa festa de Magosto na praza do Berbés. Este acto está patrocinado pola Concellería de Festas e Animación Sociocultural e conta coa colaboración da Asociación de Veciños "Casco Vello".

Entre os actos destacan as actuacións dos grupos "Peña Xuntanza", "Os Ferreiros da Taberna" e "Cantareiras do Berbés". A lectura do pregón correrá a cargo do medallista paralímpico Chano Rodríguez.

A programación de actividades previstas é a seguinte:

16,30 horas: Comezo dos traballos previos (prendido de fogóns, pelado de castañas, etc)
18,00 horas: Comezo do reparto de castañas ó público.
18,30 horas: Actuación do Grupo de baile "Peña Xuntanza"
19,15 horas: Actuación do grupo "Os Ferreiros da Taberna".
20,15 horas: Lectura do pregón a cargo de Chano Rodríguez
20,30 horas: Actuación do grupo "Cantareiras do Berbés"
22,00 horas: Remate do Magosto 2004.