O prazo de solicitude das becas de comedor comezará a próxima semana
Abel Caballero anunciou que partir da próxima semana comezará o prazo para presentar a solicitude das becas de comedor. O alcalde incidiu en que as axudas do Concello de Vigo “están garantidas ao cento por cento para todos os demandantes que cumpran os requisitos”, e que “Vigo é a cidade española coa política social máis importante de España”.
![](https://xornal.vigo.org/storage/images/opt/CGjdI2iRybePDrxGT15uBs5rAdqtaGwF4jjAcCvl.jpeg)
O Concello de Vigo remitiu hoxe ao Boletín Oficial da Provincia de Pontevedra a convocatoria para solicitar as becas de comedor. Publicado o anuncio, a partir da próxima semana abrirase o prazo de solicitude que se prolongará durante 20 días hábiles, segundo anticipou hoxe o alcalde.
Caballero lembrou que o Concello garante a concesión de todas as becas aos demandantes que cumpren cos requisitos. Remarcou que en Vigo “non hai lista de espera”, en contraste coa situación que atopou ao acceder á alcaldía, xa que se concedían 1.000 bolsas ao ano e máis de 1.000 persoas estaban en espera.
Reforzo administrativo
Para afrontar a tramitación das peticións das axudas, a administración municipal ha reforzado o equipo do persoal administrativo do Concello coa incorporación de seis profesionais.
Caballero explicou que o Concello, ademais de asumir a convocatoria e de afrontar o financiamento das bolsas “que debería pagar a Xunta, e que noutras comunidades paga a Xunta, como en Andalucía”, introduce importantes melloras para acceder a unha axuda como a redución do nivel de renda en función do alugueiro que pagan as familias. “Se as familias teñen que pagar alugueiro non é un diñeiro dispoñible para a súa manutención e a súa vida e, por tanto, ao ver o tope de renda restamos o prezo do arrendamento”, sinalou. A isto hai que engadir o Concello aumenta do que é posible descontar o prezo “no ámbito do alugueiro”.