Aberta a venda online para o concerto de David Bisbal en Castrelos
As reservas en platea pódense adquirir de xeito online a través de www.vigoenfestas.com a partir das 9:30 horas o xoves 13 de xullo de 2023 ata o fin de existencias.
O Concello abre a taquilla online o xoves 13 de xullo a partir das 9:30 horas para a venda de reservas en platea para o concerto de David Bisbal en Castrelos. Os pases estarán dispoñibles ata o fin de existencias a través de www.vigoenfestas.com.
O almeriense actuará no Auditorio de Castrelos o sábado 15 de xullo a partir das 22 horas. Bisbal traerá a Vigo un show que inclúe un renovado repertorio que abarca os temas do seu novo disco, pero sen esquecerse dos grandes éxitos ao longo dos seus 20 anos de carreira. Realiza unha mestura de estilos como o pop, o pop latino, a bachata e as grandes baladas.