O MARCO organiza talleres infantís con artistas da exposición Future Stories
O alcalde informou este martes en rolda de prensa da apertura do prazo de inscrición nas actividades que se desenvolven este venres, 16, e o sábado 17 de decembro.
O Marco desenvolverá dous obradoiros organiza este venres e sábado actividades para o público infantil da man de catro dos artistas que participan na exposición Future Stories, conformada por creacións de artistas novos.
Tal e como explicou o rexedor, trátase de talleres gratuítos, para os que é preciso realizar unha inscrición previa, e están limitados a un máximo de 25 participantes cada un. As prazas poden reservarse no mail recepcion.marco@gmail.com ou persoalmente no despacho de billetes do Marco.
O venres 16 de decembro desenvólvese o obradoiro “Un refuxio propio”, con Raquel Álvarez Méndez e Lucía Perdiz Dávila, para nenos de 7 a 12 anos, entre as 18 e as 20 horas da tarde. As artistas analizarán as súas obras con atención a materiais, texturas e sensacións que transmiten. A partir de materiais téxtiles, realizarán a construción dun refuxio reflexionando sobre o concepto de arquitectura téxtil e de espazo habitable. O sábado 17, celébrase o obradoiro “Pensando-nós”, conducido por Juncal A. Castro e Antía Encisa, pensando para cativada de 3 a 12 anos, no que os máis pequenos crearán unha coreografía de xestos e traballarán cunha fotografía propia e os máis maiores darán forma ás súas vivencias e recordos sobre retais.