O Concello recibe diferentes proxectos complementarios á urbanización do Barrio do Cura
Abel Caballero visitou a zona céntrica onde a promotora ampliará as rúas Pi y Margall, Llorente e Santa Marta, creará un aparcamento público con 300 prazas e terá unha nova escola infantil.
O alcalde achegouse ata a zona do Barrio do Cura xunto aos promotores e o arquitecto, Alfonso Penelas, responsable da obra logo de que a Xerencia de Urbanismo dera luz verde ao proxecto de urbanización, que supón unha inversión de 4 millóns de euros.
Caballero explicou que a urbanización compleméntase con outros proxectos e obras, sempre a cargo da promotora, como a ampliación e humanización das rúas Pi y Margall, Llorente e Santa Marta. Tamén está en estudo un aparcamento público de 3 millones de euros. Tamén o Concello recibiu o proxecto básico da nova escola infantil. “Todo está a ser analizado para darlle o visto bo canto antes porque é moi importante para a cidade”, dixo o rexedor, ao que engadiu que “terán rapidamente as licenzas para a tramitación inmediata e poder facer esta gran transformación”.