Vigo xa ten data para o alumeado de Nadal: 20 de novembro
Na tarde deste luns ten lugar o acto de acendido do marcador electrónico de 4x3 metros que descontará o tempo restante ata o 20 de novembro, data para o comezo do alumeado de Nadal. “Queremos empezar a respirar o Nadal”, explicou Caballero: “Xa saben que o Nadal o marca Vigo, que é Vigo quen marca as pautas do Nadal neste planeta”.
O contador está emprazado na rúa do Príncipe, ante o Museo de Arte Contemporánea da cidade, e se acende este mesmo luns, ás 20 horas, nun acto presidido polo alcalde de Vigo, Abel Caballero, quen detallou que este “gran reloxo” ten unha pantalla de 4x3 metros sobre unha plataforma.
O electrónico marca a conta atrás para a chegada do día do alumeado do Nadal. “Queremos empezar a respirar o Nadal”, argumentou Caballero este luns en rolda de prensa: “Xa saben que o Nadal o marca Vigo, que é Vigo quen marca as pautas do Nadal neste planeta, a recuperación da cultura do Nadal, tan importante en todas partes”.
