A Regata Mar de Maeloc volve a ría de Vigo na súa 58ª edición
Abel Caballero puxo de manifesto na presentación que “é unha confluencia da tradición co mar e a navegación con máis de medio século ininterrompida e ligado coa vela, unha forma de facer mar e deporte”
Do 10 ao 14 de agosto celebrarase nas Rías Baixas a regata Mar de Maeloc na que Vigo será un dos escenarios para os deportistas.
Abel Caballero subliñou o “nome de poesía” que ten este evento e lembrou que o mar, a vela e a navegación “amosan a capacidade e a sabedoría e como atopamos a través do mar a nosa expresión deportiva”.
O alcalde subliñou a importancia do evento para a cidade, “cos días de competición nos que vemos as velas sucar as Illas Cíes, que serán Patrimonio da Humanidade, sentiamos parte da tripulación. A nosa esencia é o mar.”
