O alcalde invita á cidade a participar esta fin de semana no Vicus Spacorum
Xunto ao coordinador do evento, Rodrigo Vázquez, e á xerente da Asociación de Comerciantes do PAU de Navia, Ana Martínez, o alcalde, Abel Caballero, presentou este mércores a oitava edición desta festa celta e romana, que se celebra esta fin de semana en Navia, cun programa reforzado e renovado para toda a familia.
O alcalde de Vigo, Abel Caballero, indicou que Vicus Spacorum xa é unha das principais festas da cidade, á que acoden xentes de Vigo e de fóra da cidade para participar das numerosas propostas que ofrece o sábado e o domingo en Navia.
Segundo explicaron ante os medios, Vicus Spacorum reforza a súa programación este ano, cun mercado de artesanía e alimentación renovado e ampliado, que suma unha taberna de polbo e churrasco procedente de Lugo. As actividades crecen este ano en cantidade e calidade, cun maior número de obradoiros, exposicións e actuacións, ademais de maxia, cine e microteatro para toda a familia.
Este 2018 refórzase o "Poboado Castrexo", mellor equipado que en edicións anteriores e con multitude de xogos e obradoiros. Nesta edición destacan a presenza de Lugdunum e Mercenarios Galaicos desde o lucense Arde Lucvs. Navia tamén acollerá unha exposición de clicks de Playmobil, un novo espazo de realidade virtual sobre o mundo romano, demostracións con teares romanos, loita de gladiadores, desfiles e a Schola Romana.
O sábado ás 19h se celebrará o II Gran Concurso Infantil de Caracterizacións, que tivo unha boa acollida o pasado ano, segundo trasladou este mércores Rodrigo Vázquez. Despois proxectarase "Asterix: a Residencia dos Deuses" e a noite do sábado concluirá cunha loita de gladiadores nocturna, prato forte do evento, que continuará cunha queimada celta con percusións e un fauno.
O peche do evento, o domingo, virá da man da Asociación Miramvicus, protagonistas das visitas guiadas da Villa Romana de Toralla, que representarán unha cerimonia fúnebre romana.
Descargar todas as imaxes
Segundo explicaron ante os medios, Vicus Spacorum reforza a súa programación este ano, cun mercado de artesanía e alimentación renovado e ampliado, que suma unha taberna de polbo e churrasco procedente de Lugo. As actividades crecen este ano en cantidade e calidade, cun maior número de obradoiros, exposicións e actuacións, ademais de maxia, cine e microteatro para toda a familia.
Este 2018 refórzase o "Poboado Castrexo", mellor equipado que en edicións anteriores e con multitude de xogos e obradoiros. Nesta edición destacan a presenza de Lugdunum e Mercenarios Galaicos desde o lucense Arde Lucvs. Navia tamén acollerá unha exposición de clicks de Playmobil, un novo espazo de realidade virtual sobre o mundo romano, demostracións con teares romanos, loita de gladiadores, desfiles e a Schola Romana.
O sábado ás 19h se celebrará o II Gran Concurso Infantil de Caracterizacións, que tivo unha boa acollida o pasado ano, segundo trasladou este mércores Rodrigo Vázquez. Despois proxectarase "Asterix: a Residencia dos Deuses" e a noite do sábado concluirá cunha loita de gladiadores nocturna, prato forte do evento, que continuará cunha queimada celta con percusións e un fauno.
O peche do evento, o domingo, virá da man da Asociación Miramvicus, protagonistas das visitas guiadas da Villa Romana de Toralla, que representarán unha cerimonia fúnebre romana.