O alcalde discrepa con que a Zona Franca de Vigo achegue a un fondo común o 12% dos seus ingresos
O rexedor criticou esta mañá a decisión do goberno central de que as zonas francas acheguen ata o 12% dos seus recursos financeiros a un fondo común que servirá para atender aos consorcios con peores resultados. En rolda de prensa, explicou que esta decisión suporá o transvase de recursos de Vigo a outras territorios, fondos para a expansión de solo industrial ou fomento do emprego.
O alcalde de Vigo amosou esta mañá a súa discrepancia con que a Zona Franca de Vigo teña que aportar a un fondo común entre o 4 e o 12% dos seus recursos financeiros (os que proceden dos impostos de sociedades das empresas radicadas nela). Tal e como establece a Lei de Orzamentos Xerais, este fondo común servirá para atender as zonas francas con déficit, unha decisión que suporá un transvase de recursos desde Vigo a outras zonas e que suporá moitos millóns de euros que xa non servirán para expandir empresas ou seguir a fomentar o emprego na área de Vigo.
Logo de precisar que a Zona Franca de Vigo é a mellor xestionada de España, Caballero precisou que "podo entender que se cree un fondo que aprovisione fondos con ata o 2% dos recursos, pero nunca na magnitude que recolle a proposta do goberno central, que chega ao 12%". Defendeu que as autoridades portuarias conten cun fondo interportuario porque prestan un servizo público fundamental para todos os territorios pero matizou que "as zonas francas son outra cousa".
Logo de precisar que a Zona Franca de Vigo é a mellor xestionada de España, Caballero precisou que "podo entender que se cree un fondo que aprovisione fondos con ata o 2% dos recursos, pero nunca na magnitude que recolle a proposta do goberno central, que chega ao 12%". Defendeu que as autoridades portuarias conten cun fondo interportuario porque prestan un servizo público fundamental para todos os territorios pero matizou que "as zonas francas son outra cousa".