O alcalde valora a "plena recuperación" do aeroporto como un logro da cidade
A terminal viguesa rexistrou un crecemento do 34% en 2016, "o maior de ningún aeroporto en España", segundo apuntou Abel Caballero, que amosou a súa satisfacción polo momento "excepcional" que vive a terminal viguesa.
O aeroporto de Vigo creceu no ano 2016 case un 34% acadando en número de viaxeiros as cifras do ano 2011 polo que, segundo o rexedor, "estamos en plena recuperación" e nun momento de "crecemento excepcional" que o sitúan no marco do millón de pasaxeiros.
Así, Caballero sinala que con estas cifras a terminal viguesa é a que "maior crecemento" experimenta de todas as españolas, polo que manifestou a súa "satisfacción" ante este "logro moi importante da cidade e que a cidade valora moitísimo" polo beneficio que o aeroporto supón para a economía, o turismo e as empresas de Vigo, amais de constituír un mecanismo de transporte accesible para as familias.
Así, Caballero sinala que con estas cifras a terminal viguesa é a que "maior crecemento" experimenta de todas as españolas, polo que manifestou a súa "satisfacción" ante este "logro moi importante da cidade e que a cidade valora moitísimo" polo beneficio que o aeroporto supón para a economía, o turismo e as empresas de Vigo, amais de constituír un mecanismo de transporte accesible para as familias.