One A-Chord New Orleans encherá de Gospel as Festas do Cristo da Victoria
A formación One A-Chord New Orleans será a encargada de traer o gospel á nosa cidade, cunha actuación que a concellería de Festas e Animación Sociocultural incluiu hai pouco no programa das Festas do Cristo para dar resposta á demanda do público e que será o sábado 27 de xullo no auditorio municipal ás 21.30 horas.
One A-Chord New Orleans, fundado en 1995 por Betty Winn, está integrado por varias mulleres que xa son ben coñecidas entre os seguidores da música gospel. Todas elas fixeron xiras coas formacións máis importantes de Louisiana, como Zion Harmonizars, Joyful Gospel Singers ou The New Orleans Gospel Choir.
Esta formación feminina ten actuado en numerosos festivais, convencións, televisións, programas radiofónicos e clubes, tanto nos Estados Unidos como nalgúns países europeos.
O número de compoñentes que participan nos concertos da One A-Chord New Orleans varía segundo o tipo de sala en que actúen, e adoitan contar cun número de vocalistas que oscila entre 4 e 8, aínda que nalgunhas ocasións poden chegar a ser 20 cantantes. De tódolos xeitos, o número de integrantes que se despracen a Vigo non variará a calidade da interpretación deste grupo, ó que os afeccionados ó gospel recoñecen especialmente pola súa mestría nos temas up tempo e polo seu swing contaxioso.
O programa que interpretará One A-Chord New Orleans na nosa cidade inclúe temas gospel tan coñecidos como “Take me to the water”, “Amazing Grace” ou “Down by the riverside”, ademais doutras cancións como “Stand by me” ou “Battle Hymn of the Republic”.
Data do concerto: 27 de xullo (sábado)
Hora: 21,30
Lugar: Auditorio Municipal (Praza do Rei)
One A-Chord New Orleans, fundado en 1995 por Betty Winn, está integrado por varias mulleres que xa son ben coñecidas entre os seguidores da música gospel. Todas elas fixeron xiras coas formacións máis importantes de Louisiana, como Zion Harmonizars, Joyful Gospel Singers ou The New Orleans Gospel Choir.
Esta formación feminina ten actuado en numerosos festivais, convencións, televisións, programas radiofónicos e clubes, tanto nos Estados Unidos como nalgúns países europeos.
O número de compoñentes que participan nos concertos da One A-Chord New Orleans varía segundo o tipo de sala en que actúen, e adoitan contar cun número de vocalistas que oscila entre 4 e 8, aínda que nalgunhas ocasións poden chegar a ser 20 cantantes. De tódolos xeitos, o número de integrantes que se despracen a Vigo non variará a calidade da interpretación deste grupo, ó que os afeccionados ó gospel recoñecen especialmente pola súa mestría nos temas up tempo e polo seu swing contaxioso.
O programa que interpretará One A-Chord New Orleans na nosa cidade inclúe temas gospel tan coñecidos como “Take me to the water”, “Amazing Grace” ou “Down by the riverside”, ademais doutras cancións como “Stand by me” ou “Battle Hymn of the Republic”.
Data do concerto: 27 de xullo (sábado)
Hora: 21,30
Lugar: Auditorio Municipal (Praza do Rei)