Vigo lidera a colaboración co Fondo de Cooperación Internacional cunha achega de 64.000 euros
O Concello de Vigo lidera a colaboración que manteñen as distintas cidades galegas co Fondo de Cooperación Internacional, segundo afirmaron este luns a concelleira de Benestar Social, María Méndez, e o presidente do propio Fondo, Alfredo Novoa, durante o acto de sinatura dun convenio de colaboración. En virtude deste convenio, a Concellería de Benestar Social fai unha achega de 64.000 euros para o desenvolvemento de diversos proxectos de cooperación.<br />
Segundo salientou a concelleira nacionalista, dos 64.000 euros que aporta Benestar Social, 60.000 euros destinaranse á rehabilitación de quince vivendas en Nicaragua, concretamente no municipio de Togocalpa. "Trátase dunha localidade de 11.000 habitantes onde a enfermidade de chapas fai estragos entre a poboación", explicou María Méndez, quen precisou que esta doenza está directamente relacionada coas escasas condicións hixiénicas e sanitarias que alí existen. "Deste xeito, queremos mellorar a habitabilidade desta poboación, e en particular beneficiaranse con esta actuación 1.174 persoas", indicou.
En segundo lugar, da achega de Benestar Social, 2.000 euros empregaranse no financiamento dunha visita a Mozambique, que ten o obxectivo de diagnosticar a zona na que se quere desenvolver un proxecto de cooperación. Finalmente, os 2.000 euros restantes investiranse na sensibilización local, na que o ocupa un lugar fundamental o traballo nos centos de ensino, en especial nos de segundo ciclo.
A concelleira de Benestar Social sinalou que a aposta do Concello de Vigo tamén pasa pola reactivación do Consello Municipal de Cooperación, creado na cidade no ano 1998, pero sen convocar dende o 2002, segundo precisou María Méndez. "Para acadar a reactivación foi preciso elaborar uns novos estatutos, que neste momento están en fase de alegación", sinalou a edil do BNG, quen sinalou que coa activación deste Consello se quere potenciar a colaboración coas ONG's adicadas á cooperación internacional e impulsar a sensibilización na cidade. Así mesmo, lembrou que dende Alcaldía tamén se manifestou o compromiso de incrementar a participación orzamentaria nos proxectos de cooperación internacional.
O presidente do Fondo de Cooperación Internacional, Alfredo Novoa, subliñou así mesmo que Vigo está "a cabeza das cidades galegas" en canto á cooperación en proxectos internacionais. "Temos avanzado notablemente grazas a achega que fai Vigo", destacou Novoa, quen explicou que o Fondo "trata de facer xustiza nos países menos desenvolvidos", posto que, segundo indicou, a situación de Nicaragua "é moito máis deficiente que os nosos barrios máis deprimidos".
Vigo forma parte do Fondo de Cooperación Internacional dende o ano 1998 e asinou o primeiro convenio de colaboración no ano 2001 para desenvolver proxectos coas municipalidades dos países do sur.
Descargar todas as imaxes
En segundo lugar, da achega de Benestar Social, 2.000 euros empregaranse no financiamento dunha visita a Mozambique, que ten o obxectivo de diagnosticar a zona na que se quere desenvolver un proxecto de cooperación. Finalmente, os 2.000 euros restantes investiranse na sensibilización local, na que o ocupa un lugar fundamental o traballo nos centos de ensino, en especial nos de segundo ciclo.
A concelleira de Benestar Social sinalou que a aposta do Concello de Vigo tamén pasa pola reactivación do Consello Municipal de Cooperación, creado na cidade no ano 1998, pero sen convocar dende o 2002, segundo precisou María Méndez. "Para acadar a reactivación foi preciso elaborar uns novos estatutos, que neste momento están en fase de alegación", sinalou a edil do BNG, quen sinalou que coa activación deste Consello se quere potenciar a colaboración coas ONG's adicadas á cooperación internacional e impulsar a sensibilización na cidade. Así mesmo, lembrou que dende Alcaldía tamén se manifestou o compromiso de incrementar a participación orzamentaria nos proxectos de cooperación internacional.
O presidente do Fondo de Cooperación Internacional, Alfredo Novoa, subliñou así mesmo que Vigo está "a cabeza das cidades galegas" en canto á cooperación en proxectos internacionais. "Temos avanzado notablemente grazas a achega que fai Vigo", destacou Novoa, quen explicou que o Fondo "trata de facer xustiza nos países menos desenvolvidos", posto que, segundo indicou, a situación de Nicaragua "é moito máis deficiente que os nosos barrios máis deprimidos".
Vigo forma parte do Fondo de Cooperación Internacional dende o ano 1998 e asinou o primeiro convenio de colaboración no ano 2001 para desenvolver proxectos coas municipalidades dos países do sur.