A Xunta de Goberno Local aprobou este xoves a contratación de servizos para os campamentos deste verán que teñen un orzamento de 541.000 euros. Este ano haberá 322 prazas máis ca o ano pasado.
O alcalde, xunto a Carmela Silva, presidenta da Deputación de Pontevedra, e Javier Pardo, tenente de alcalde, visitou este xoves as obras de humanización da rúa Nigrán, onde hoxe comezaron a executarse os traballos de asfaltado da vía. O Concello acometerá nas próximas semanas humanizacións en preto de setenta rúas da cidade.
O alcalde anunciou o reinicio da obra logo de aprobar un modificado necesario para a mellora das canalizacións cun importe de 53.000 euros. As obras retomaranse a próxima semana.
O goberno local pon en marcha o programa de envellecemento activo con obradoiros multidisciplinares que incluirán actividades de estimulación cognitiva, formación en competencias dixitais e saídas culturais como ir ao cinema ou ao teatro. O orzamento deste primeiro lote deste contrato alcanza os 322.000 euros.
O alcalde avanza que será unha celebración “masiva” dado que nestes momentos hai xa 36 grupos e máis de 500 participantes inscritos para formar parte da xornada festiva.
O rexedor participou este xoves na presentación da XXII edición do Medio Maratón Gran Bahía Vig-Bai e II MiniBai que se celebra o vindeiro domingo, 26 de marzo e que este ano foi recoñecida cun dos galardóns da cidade. Na súa intervención destacou o papel do deporte na cidade, así como o "orgullo de poder entregarlles hoxe a medalla de Vigueses Distinguidos" e animou a todos os deportistas que participen na proba.
Abel Caballero saudou este xoves aos residentes e ao persoal do Centro que celebra vinte anos de actividade na urbe poñendo en valor o seu traballo no coidado das persoas maiores e apuntando que "o éxito dunha cidade se sustenta no respecto aos seus maiores. Estamos a facer unha cidade para xente nova e tamén para xente maior". Durante o acto de celebración, o rexedor, acompañado da concelleira de Benestar Social, Yolanda Aguiar, entregou un pequeno recoñecemento á residente máis lonxeva e á empregada de maior antigüidade.