En dous anos aproximadamente estará funcionando o ascensor que unirá García Barbón con Vía Norte, segundo avanzou o alcalde o día no que se constituíu o xurado encargado de elixir a proposta gañadora entre as sete aspirantes no concurso de ideas. O orzamento total do proxecto elévase a 7,2 millóns de euros.
O Concello de Vigo é un modelo de integridade e transparencia na contratación pública segundo un Código de Boas Prácticas elaborado por un grupo de expertos independentes como foro dentro da FEMP para intercambiar experiencias e casos de éxito que sirvan de exemplo ás entidades locais de toda España. O Plan de Integridade na contratación pública do Concello de Vigo xa recibiu o ano pasado o X Premio CNIS.
Abel Caballero anunciou este luns o envío dun escrito ao presidente Núñez Feijóo solicitándolle a cesión ou venda de solo para que o Concello constrúa un segundo estacionamento de balde nas inmediacións do novo hospital. No caso de que o terreo fose necesario no futuro para ampliar o Cunqueiro, Vigo devolveríao sen custe nun prazo de tres meses.
Abel Caballero acudiu este luns ao tanatorio de Pereiro para dar o seu pésame no nome de toda a cidade á familia de Alejandro Gómez, finado este domingo no seu domicilio de Zamáns. O alcalde destacou a figura do atleta vigués e a súa labor para difundir o espírito deportivo.