Abel Caballero participou esta mañá no Enlaza Vigo 2020, a iniciativa municipal coa que o Concello de Vigo celebra o Día internacional pola eliminación da violencia contra a muller. Nesta ocasión foron 33 centros educativos de secundaria os que formaron parte dun programa de actividades que pretende concienciar á mocidade da necesidade de loitar contra todo tipo de violencia ou sometemento machista.
Concepción Martínez, voceira da Asociación de Mulleres Lúa, en representación do Consello da Muller, deu lectura na sesión plenaria ao manifesto con motivo da conmemoración do 25 de novembro, Día Internacional da eliminación da violencia contra as mulleres.
O Pleno Municipal do Concello de Vigo abordou este mércores a situación actual do cumprimento do Orzamento 2020 e o pago a provedores. O concelleiro de Facenda explicou que o goberno local abonou un total de 30 millóns en facturas no último trimestre, cunha media de 9 días, e sinalou que neste ano xa están executados 135 millóns das partidas económicas.
Todos os grupos municipais -coa excepción do PP – solicitan á Xunta os cambios normativos que permitan a compatibilizar as prestacións do RISGA e do Ingreso Mínimo Vital. Tal e como explicou a concelleira Yolanda Aguiar a reformulación da prestación económica é moi urxente dada a crise sanitaria e económica que estamos a atravesar.
O Pleno celebrado este mércores debateu e aprobou dúas mocións promovidas polo goberno de Vigo instando á Xunta de Galicia a asinar un convenio co Concello para construír un instituto en Navia e, en segundo lugar, a incluír nas contas autonómicas para 2021 unha partida para edificar dúas escolas infantís na cidade.
O Pleno Municipal do Concello de Vigo aprobou este mércores unha moción do grupo mixto instando ao Goberno do Estado a establecer un traballo diplomático para dar apoio ao pobo saharauí e defender a integridade do seu territorio. Ademais, o Concello deberá reforzar o programa “Vacacións en Paz” para acoller en verano a nenos procedentes do Sáhara Occidental.